Qoʻshimcha funksionallar
-
Tungi ko‘rinish
Zelenskiy Putinni muzokaralarni kechiktirish taktikasida aybladi
«Agar uchrashuv bo‘lmasligini istasangiz, meni Moskvaga taklif qilishingiz kerak», - dedi Ukraina prezidenti. U Putinni urushni tartibga solish bo‘yicha muzokaralarni kechiktirishda aybladi.
Ukraina prezidenti Volodimir Zelenskiy yana bir bor prezident Vladimir Putin bilan Moskvadagi uchrashuvga bormasligini aytdi va Putinni muzokaralarni kechiktirayotganlikda aybladi. «Amerikalik hamkorlarimiz bizga Putin meni Moskvaga taklif qilganini aytdi. O‘ylaymanki, agar uchrashuv bo‘lmasligini istasangiz, meni Moskvaga taklif qilishingiz kerak», — dedi Zelenskiy 4 sentabr, payshanba kuni Parijda «ko‘ngillilar koalitsiyasi» sammitidan keyin o‘tkazilgan matbuot anjumanida.
Ukraina prezidentining ta’kidlashicha, uchrashuvning o‘zi «zarur», biroq Rossiya uni kechiktirish uchun hamma narsani qilmoqda. Shu bilan birga, u Putinning bunday uchrashuv haqida gapira boshlagani yomon emasligini qayd etgan.
3 sentabr kuni Vladimir Putin Ukraina prezidenti bilan uchrashuv haqida gapirib, «agar Zelenskiy tayyor bo‘lsa, Moskvaga kelsin», dedi. Shu bilan birga, u va boshqa rossiyalik rasmiylar avvalroq Zelenskiy bilan uchrashuv faqat muzokaralarning yakuniy bosqichida bo‘lishi mumkinligini ta’kidlagan edi.
