Volkswagen sun’iy intellektga 1,2 mlrd dollar investitsiya kiritadi

Kompaniya 2030 yilning oxirigacha bo‘lgan muddatda sun’iy intellektni qo‘llash uchun 1 mlrd yevro (1,2 mlrd dollar) pul tikadi. Buning hisobiga sun’iy intellekt Volkswagen’ning har bir yo‘nalishiga kirib boradi va milliardlarni tejashga xizmat qiladi. Bu haqida 9 sentabr kuni nemis kompaniyasining o‘zi ma’lum qilgan.

Foto: CNBC

Myunxen shahrida shu kunlarda IAA - (It’s all about mobility) ko‘rgazmasi bo‘lib o‘tmoqda. Tadbirning ochilish marosimi 9 sentabr kuni tongda o‘tkazilgan. Unda qatnashgan Yevropaning gigant avtomobil ishlab chiqaruvchilari Xitoyning mintaqadagi o‘rnini qirqish uchun bir yoqadan bosh chiqarishni gaplashishdi.

Volkswagen investitsiyalari SI tomonidan qo‘llab-quvvatlanadigan avtomobillarni ishlab chiqish, sanoat ilovalari va yuqori samarali IT infratuzilmasini kengaytirishga yo‘naltiriladi, kompaniya bayonotida aytilishicha, kutilayotgan tejamkorlik 2035 yilga kelib 4 milliard yevroni tashkil etishi kerak.

Nemis kompaniyasi Xitoy va Germaniyaning ikkita asosiy bozorida chuqur o‘zgarishlarni boshdan kechirmoqda, chunki Volkswagen yangi modellar ustida ishlashga qaytyapti va Germaniya bozori uchun katta xarajatlarni qisqartirish boshlangan.

Yakshanba kuni Volkswagen yangi kichik elektr yo‘ltanlamas avtomobili ID.CROSS konseptini taqdim etdi, bu arzon akkumulyatorli transport vositalarini taklif qilish tashabbusining bir qismidir.

Volkswagen SI yangi avtomobil modellari va texnologiyalarini ishlab chiqish jarayonini sezilarli darajada tezlashtirishini aytmoqda.

“Biz uchun sun’iy intellekt yuqori tezlik, sifat va raqobatbardoshlikning kalitidir – avtomobil ishlab chiqarishdan tortib to ishlab chiqarishgacha bo‘lgan barcha qiymat zanjiri bo‘ylab uni joriy qilamiz”, dedi kompaniyaning IT-ijrochi direktori Hauke Stars.

Myunxendagi ko‘rgazma esa 14 sentabrga qadar davom etadi.