Dubayda oilaviy hordiq: sayohatga jo‘nash uchun 5 sabab

1-Sabab: Viza kerakmas, to‘g‘ridan-to‘g‘ri reyslar, qulaylik va xavfsizlik 

O‘zbekiston fuqarolari Dubayga borishi uchun viza olishi shart emas, istalgan paytda sayohatga jo‘nab ketish mumkin.

O‘zbekiston va Dubay o‘rtasida to‘g‘ridan-to‘g‘ri parvozlar Emirates, Uzbekistan Airways, Centrum Air va Flydubai aviakompaniyalari tomonidan amalga oshiriladi. Reyslar sonining ko‘pligi aviachiptalarni hamyonbop narxlarda sotib olish va safarni o‘zingizga to‘g‘ri keladigan sanaga rejalashtirish imkonini beradi.

Amirlikda oilaviy ta’tillarni qulay va xavfsiz o‘tkazish uchun juda yaxshi sharoitlar yaratilgan. Dubay dunyodagi eng xavfsiz shahar maqomi bilan mashhur. Bu yerda ko‘chalar, istirohat bog‘lari va jamoat joylari juda ozoda. Qulay transportdan tortib, yaxshi o‘ylangan navigatsiyagacha bo‘lgan zamonaviy infratuzilma shahar bo‘ylab harakatlanishni oson va qulay qiladi.

2-Sabab: Dengiz va quyosh yil davomida xizmatingizda

Dubay yil davomida dam olish mumkin bo‘lgan yo‘nalish hisoblanadi

Bu yerda vaqtni qulay o‘tkazish uchun hammasi o‘ylangan: salqin zonalar, harorati boshqariladigan basseynlar va hatto, tunda cho‘milish uchun maxsus jihozlangan plyajlar ham bor. Bepul jamoat plyajlari ham, yuqori darajadagi servisga ega xususiy klublar ham mehmonlar ixtiyorida.

Dubaydagi jamoat plyajlari hordiq chiqarish uchun zarur bo‘lgan barcha infratuzilma bilan jihozlangan. Bu yerda qahvaxonalar va restoranlar, hojatxonalar va dushxonalar faoliyat ko‘rsatadi. Plyajdagi ko‘ngilochar faolliklar haqida ham unutmaslik kerak:

●  Kite Beach – Dubay aholisi va mehmonlarning eng sevimli plyajlaridan biri. Bu yerda suvda faol dam olish uchun barcha sharoitlar yaratilgan, bolalar uchun infratuzilma hamda qahva ichib, tamaddi qilib olish uchun ko‘plab dam olish zonalari mavjud.

●  Sunset Beach afsonaviy Burj Al Arab mehmonxonasining yonida joylashgan, bu kun botishini dengiz sohilidan turib tomosha qilish uchun eng yaxshi joylardan biri.

●  Al Mamzar Beach Park — shunchaki plyaj emas, balki bir nechta qumloq qo‘ltiqlarga ega keng yashil bog‘. U bolali oilalar uchun mos keladi: bu yerda salqin joylar, pikniklar uchun parvarish qilingan maysazorlar, basseynlar va ijaraga beriladigan manqalli ayvonchalar ko‘p. Kirish narxi bor-yo‘g‘i 5 dirham, bu barcha qulayliklardan foydalanish imkoniyati uchun ramziy to‘lov.

●  JBR Beach – uzun qumloq sohil yo‘lini, do‘konlar, restoranlar va ko‘ngilochar o‘yinlar joylashgan va piyoda sayr uchun mo‘ljallangan sohilbo‘yi ko‘chasini birlashtirgan juda katta majmua.

Xususiy plyaj klublari – dengiz bo‘yida yoki basseynda begonalarsiz dam olish uchun ideal maskan. Dubayda oilaviy plyaj klublari ham, faqat kattalar uchun mo‘ljallangan plyaj klublari ham faoliyat ko‘rsatadi. Bolalar bilan dam olish imkoniyatini beradigan xususiy klublarning bir nechta variantlari bor:

●  Riva Beach Club

●  Peaches & Cream

●  February 30

●  Sofitel Dubai The Palm

●  The Ritz-Carlton Dubai besh yulduzli mehmonxonasining plyaj klubi

●  SOLE MIO

Boshqa ommabop plyaj klublari orasida Byron Bathers Club, The Westin Mina Seyahi mehmonxonasi qoshidagi Club Mina, wiggy Family (Park Hyatt Dubai – Creekside) klublarini ko‘rsatib o‘tish mumkin.

3-Sabab. Sarguzashtlar va noyob tabiat

Dubaydagi osmono‘par binolar ortida hayratga soluvchi tabiat olami – sahro barxanlari, yashil bog‘lar, tog‘lar va ko‘llar yashiringan. Yangi yorqin taassurotlarni yoqtirasizmi? Unda quyidagilarni amalda sinab ko‘ring:

●  Sahroda safari – qudratli va to‘liq yuritmali jipda yoki tuyada qumtepaliklar bo‘ylab sayr qiling, lochinlar bilan fotosuratga tushing va kuningizni an’anaviy raqslarni tomosha qilgan holda yulduzli osmon ostidagi kechki taom bilan yakunlang.

●  Shahar jaziramasini tark etib, ko‘rkam manzarali Hatta tog‘lariga boring. Bu yerdagi to‘g‘onning (Hatta Dam) feruza rang suvlarida qayiqda sayr qilish, piyoda tog‘ so‘qmoqlarini o‘rganish, velosipedda aylanish, ziplaynda uchish mumkin.

●  Romantik Muhabbat Ko‘llari (Love Lake) – Al Qudra sahrosining qumliklarida yaratilgan yurak shaklidagi ikkita ko‘l. U oilaviy pikniklar va chiroyli fotosuratlar uchun ideal makon.

4-Sabab. Hayratga soluvchi shahar manzaralari

Dubayda sayyohlar uchun shaharni eng a’lo rakursdan, ya’ni balandlikdan tomosha qilish uchun imkoniyatlar juda ko‘p. Sun’iy orollar, to‘g‘ri chiziq shaklida ketgan shoh ko‘chalar va osmono‘par binolar qayta va qayta tomosha qilish qiziqarli bo‘lgan hayratlanarli manzarani yaratadi. Quyida Dubayning eng yaxshi tomosha maydonlarini sanab o‘tamiz:

The View at The Palm – bu yerdan mashhur Palm Jumeirah sun’iy oroliga kishini lol qoldiruvchi manzara ochiladi.

Burj Khalifa — dunyoning barcha tomoniga ochiladigan manzaraga ega jahondagi eng baland bino

Sky Views Observatory — ekstremal shisha yo‘lakda uchish tog‘i va Downtown Dubai hududiga ochiladigan go‘zal manzaralar

5-Sabab. Har qanday ta’bga mos keladigan taomlar

Dubayning gastronomik manzarasi amirlikning nozik xarakterini aks ettiradi, ya’ni u bir vaqtning o‘zida turli-tuman, mehmondo‘st, noz-ne’matlarga boy va o‘ziga xos.

Dubay restoranlari Michelin gidida qayd etilgan Yaqin Sharqdagi birinchi shaharga aylandi. Ayni paytda shahardagi 200 dan ortiq ovqatlanish maskani, shu jumladan yuqori sifatli va mazali taomlarni hamyonbop narxlarda taklif qiluvchi Bib Gourmand toifasidagi muassasalar ham ushbu gidga kiritilgan.

Amirlikning taomlari bilan tanishishni an’anaviy oshxonadan boshlagan ma’qul. Dubay taomlari ba’daviylar merosi va dengizning yaqinligini o‘zida aks ettiradi, shu bilan birga u turli ziravorlarga (za’faron, kardamon, zarchava, dolchin) hamda guruch, go‘sht (ko‘proq qo‘zi yoki tovuq go‘shti) va baliq mahsulotlariga boy. Agar mahalliy taomlarni tatib ko‘rishni istasangiz, unda tarixiy Al Fahidi tumanidagi yemakxonalarni tanlang. Bu yerda Al Khayma va Arabian Tea House restoranlari eng ommabop joylar hisoblanadi.

MDH mamlakatlaridan kelgan ko‘p sonli ekspatlar hamda dubayliklarning to‘yimli va mazali ovqatlarni yaxshi ko‘rishi tufayli amirlikda o‘zbek taomlari ham juda mashhur. Bunday restoranlarni Al Karama i International City hududlarida (ayniqsa “O‘zbeklar mavzesi”da) ko‘plab uchratish mumkin.

Xullas, Dubayda ko‘cha yeguliklaridan tortib, to lyuks restoranlargacha bo‘lgan istalgan mamlakat taomlarini tayyorlaydigan yuqori darajadagi muassasalarni topsa bo‘ladi.

Reklama huquqi asosida