Maktab direktorlari va o‘rinbosarlariga KPI asosida har oylik ustama joriy etildi

Qarorga ko‘ra, rahbar xodimlar faoliyati Maktabgacha va maktab ta’limi vazirligi tasdiqlagan metodika asosida baholanadi. Ballar diapazoniga qarab ustamalar quyidagicha belgilanadi: 

direktorlar uchun:
61–70 ball — 3 foiz;
71–80 ball — 10 foiz;
81–90 ball — 15 foiz;
91–100 ball — 20 foiz;

direktor o‘rinbosarlari uchun:
61–70 ball — 2,5 foiz;
71–80 ball — 5 foiz;
81–90 ball — 7,5 foiz;
91–100 ball — 10 foiz.

Ustamalar jamg‘arma mablag‘lari hisobidan to‘lanadi. Direktor yoki o‘rinbosar kamida 9 oy asosiy lavozimida ishlagan bo‘lishi shart. 

Isticno holat: xalqaro fan olimpiadalarida o‘quvchilari g‘olib bo‘lgan maktab direktorlariga yuqori cheklar bo‘yicha cheklovlar tatbiq etilmaydi. 

KPI baholash metodikasi va hisob-kitob tartibi Maktabgacha va maktab ta’limi vazirligi hujjatlari bilan tasdiqlanadi.

Ustama faqat belgilangan mezonlar bo‘yicha yakka tartibdagi ball natijalariga asosan tayinlanadi.