Maktablarda dars soatlari taqsimoti bo‘yicha yangi tartib tasdiqlandi

Dars soatlari setkasi maktab pedagogik kengashi tomonidan 2 ish kuni ichida ko‘rib chiqiladi. Soatlar har yili 15 sentabrgacha o‘qituvchilar o‘rtasida ustuvorlik ketma-ketligi asosida taqsimlanadi.

Pedagogik kengash zaruratga ko‘ra qayta taqsimlash qilishi mumkin. Boshlang‘ich sinflarda soat berishda o‘qituvchining boshlang‘ich ta’lim mutaxassisligi yoki metodikasi bo‘yicha ta’limi inobatga olinadi.

Ustuvorlik ketma-ketligi:

• oliy malakali o‘qituvchilar (amaldagi attestatsiya sertifikatiga ko‘ra);
• fani bo‘yicha milliy/xalqaro sertifikatga ega o‘qituvchilar (sertifikat darajasi va muddatiga ko‘ra);
• birinchi malakali o‘qituvchilar;
• ikkinchi malakali o‘qituvchilar;
• oliy ma’lumotli, toifasiz o‘qituvchilar;
• qayta tayyorlash diplomiga ega o‘qituvchilar;
• o‘rindoshlik asosida ishlovchi oliy ma’lumotli o‘qituvchilar;
• OTMning pedagogika yo‘nalishi 3-kurs va undan yuqori talabalari;
• oliy ma’lumotli kadrlar kelgunicha — o‘rta maxsus/professional ma’lumotli (faqat boshlang‘ich sinflar);
• oliy ma’lumotli kadrlar kelgunicha — maktabning tegishli mutaxassisligi bo‘yicha rahbar xodimlari.

Maktab ma’muriyati dars setkasini shakllantiradi, pedagogik kengash 48 soat ichida ko‘rib chiqadi. Taqsimot qarori 15 sentabrga qadar qabul qilinib, o‘qituvchilarga ma’lum qilinadi. O‘quv yili davomida kadrlarda o‘zgarish bo‘lsa, pedagogik kengash qayta taqsimot qilish huquqiga ega.