“Kontakt-markaz” nomidan firibgarlik holatlari ko‘paymoqda

UZTELECOM eslatishicha, “Kontakt-markaz” xodimlari hech qachon qo‘ng‘iroq qilib, SMS-kodlar yoki boshqa shaxsiy ma’lumotlarni so‘ramaydi. Shu bois, agar sizga shubhali qo‘ng‘iroq bo‘lsa yoki o‘zini xodim sifatida tanishtirgan shaxs shaxsiy ma’lumotlaringizni talab qilsa, hech qanday ma’lumot bermang.

Bunday holatda, avvalo qo‘ng‘iroq qilayotgan shaxs yoki kompaniya haqida ma’lumotni tekshirib oling. Shuningdek, rasmiy ishonch telefonlari va “Kontakt-markaz” bo‘yicha ma’lumotlar bilan kompaniyaning rasmiy veb-sayti orqali tanishish tavsiya etiladi.

Eslatma: SMS orqali kelgan tasdiqlovchi kodlar — shaxsiy ma’lumot hisoblanadi. Uni uchinchi shaxslarga aytmaslik siz mablag‘ va akkauntlaringiz xavfsizligini ta’minlaydi.