Shavkat Mirziyoyev jamoat xavfsizligi bo‘yicha videoselektor yig‘ilishi o‘tkazadi

Bugun O‘zbekiston prezidenti Shavkat Mirziyoyev Toshkent shahri ichki ishlar bosh boshqarmasi huzuridagi Qo‘riqlash boshqarmasiga tashrif buyurib, sohada amalga oshirilayotgan ishlar bilan tanishadi. Shuningdek, poytaxtda xavfsiz muhitni shakllantirish va jamoat xavfsizligini ta’minlash masalalariga bag‘ishlangan videoselektor yig‘ilishi o‘tkazadi.

Foto: Prezident matbuot xizmati

Ma’lum qilinishicha, tashrif davomida davlat rahbari Qo‘riqlash boshqarmasi faoliyati, jamoat tartibini saqlash, obektlar xavfsizligini ta’minlash va zamonaviy texnologiyalarni joriy etish bo‘yicha amalga oshirilayotgan ishlar bilan yaqindan tanishadi.

Shuningdek, prezident rahbarligida o‘tkaziladigan videoselektor yig‘ilishida Toshkent shahrida xavfsiz muhitni shakllantirish, aholi osoyishtaligini ta’minlash, huquqbuzarliklarning oldini olish hamda jamoat xavfsizligini samarali ta’minlash bo‘yicha namunaviy amaliyotni yaratish chora-tadbirlari muhokama qilinadi.