«MU»da superkambek, «Barsa» va «PSJ»da yirik ğalaba
|12:414 85516 min
Yamal Mbappeni, Rafinya Neymar va Rivaldoni ortda qoldirdi, Keyn Ronalduning rekordini zabt etolmadi.
3-noyabr oqşomida YEÇL umumiy guruh bosqiçi 4-turi doirasida 9 ta uçraşuv bölib ötdi. «PSJ» qatorasiga 4 öyinda ham ğalaba qozonib, turnir jadvalini boşqarmoqda, «Barselona» «Aston Villa»ga qarşi qiyin keçişi kutilgan öyinda yirik ğalabaga erişdi, «Bavariya» qatorasiga ikki durangdan keyin Madridda ğalaba qozonib, kuçli sakkizlikka kirib oldi.
«Barselona» bu mavsumda nisbatan kamtarona raqiblarni osonlik bilan tor-mor etib kelmoqda va istaganiça gol urmoqda. Şu bilan birga, top raqiblarga qarşi öyinlarda qiynalmoqda: kataloniyaliklar bir hafta içida «PSJ» va «Real»ga mağlub böldi. Unai Emeri boşqaruvidagi «Aston Villa» ham raqobatbardoş jamoa edi. Ammo «Barsa» inglizlarga qarşi öyinda qiyinçilikka uçramadi.
Öyinda köp narsa «Villa» himoyasidagi qöpol xatodan keyin hal böldi. Öyinning yettinçi daqiqasidayoq himoyadan çiqişda Gomes ehtiyotsizlik bilan yon tomonga pas berdi va töpga ega çiqqan Yamal olis burçakni aniq nişonga oldi.
Bu bilan u YeÇLda 20 yoşgaça urilgan gollar soni böyiça Mbappeni ortda qoldirdi (13 ga qarşi 14). Umuman, 19 yoşli vinger bu mavsumni öta yuqori notada ötkazmoqda: u «Barselona» va milliy jamoa safida 18 öyinda gol+pas böyiça allaqaçon 17+12 körsatkiçini qayd etmoqda. Şundan YeÇLda tört öyinda uç gol urdi va tört golga uzatma berdi.
«Aston Villa» himoyaçilari esa «Barselona»ning yuqori pressingidan saboq çiqarişmadi. Mehmonlar himoyadan çiqişda yerdan öynaşda davom etişdi va 26-daqiqada ikkinçi gol ötkazilişi mumkin edi.
Bu safar darvozabon Sudzuki raqibning uç futbolçisi qurşovida qolib ketdi va töpni uzoqlaştira olmadi.
Mavzuga oid
Natijada Gordon qulay nuqtadan zarba beriş imkoniga ega böldi, ammo darvozabon öz xatosini töğriladi.
Birminghemliklarda ham vaziyatlar böldi, şunday vaziyatlardan birida Manzambi Kubarsini aldab ötdi, ammo Joan Garsiya bexato harakat qildi.
Ikkinçi bölim boşida Rafinya baribir hisobdagi farqni ikkitaga yetkazdi va şundan keyin amalda öyin taqdiri hal böldi. Köp ötmay braziliyalik futbolçi navbatdagi golini urib, öyinga uzil-kesil nuqta qöydi. Dubl evaziga u «Barselona»ning YeÇLdagi töpurarlari röyxatida Neymar va Rivaldoni ortda qoldirgan holda uçinçi öringa kötarildi (u va Levendovskida 23 tadan). Undan oldinda faqat Suares (25) hamda Messi (120) bor.
Bu ğalaba evaziga «Barselona» oçkolari sonini 9 taga yetkazdi va umumiy reytingda ikkinçi öringa joylaşdi. Keyingi turda Flik şogirdlari Bokuda «Saboh» mehmoni böladi, «Villa» esa «Galatasaroy»ga qarşi öyin uçun Istanbulga safar qiladi.
«MU» «Roma»ga qarşi öyinning 17-daqiqasiga kelib ikki töp farqi bilan ortda borayotgandi va köpçilik jamoaning navbatdagi şarmandaligiga tayyorlanayotgandi.
Stadionga kelgan muxlislar maydonga tennis töplari va çiqindilar uloqtirişdi.
Bölim oxirida hisob 0:3 körinişini olişi ham mumkin edi, ammo öyindagi birinçi gol muallifi Soulening zarbasidan keyin töp ustun va tösin tutaşgan nuqtaga tegdi.
Ikkinçi bölim boşida mezbonlarda muammolar davom etdi – Baleba «Roma» darvozaboni bilan yakkama-yakka vaziyatga çiqib bordi, ammo zarba bera olmadi va belini uşlab töxtab qoldi. «MU»ning yozdagi eng qimmatbaho xaridi almaştirişni söradi.
Ammo ikkinçi bölimda Mateus Kunya vaziyatni özgartirdi. Braziliyalik futbolçi avvaliga penalti işladi va Brunu Fernandeş hisobni qisqartirdi. Portugaliyalik yarimhimoyaçi birinçi urinişda töğri zarba bera olmagandi, ammo uning baxtiga zarba ijro etilişidan oldin «Roma» futbolçisi jarima maydoniga kirib ketgani maʼlum böldi va zarba takroran ijro etildi.
Öyin oxirida esa drama yuzaga keldi. 83- va 86-daqiqalarda Kunya dublni rasmiylaştirib, biroz oldin maydonga turli buyumlarni uloqtirgan muxlislar bağriga otildi va kambekni nişonladi. 90+1-daqiqada esa oqşom qahramoni ikkinçi sariq kartoçkani olişga ham ulgurdi. Birinçisi golni nişonlaş vaqtida futbolkasini yeçib taşlagani uçun berilgandi.
Yakunda «MU» sönggi 10 öyindagi ilk ğalabasiga erişdi. Jamoaning oxirgi ğalabasi sentabr oyi boşida – YeÇLda «Saboh»ga qarşi öyinga töğri kelgandi. «Yunayted» ğalabasiz seriya böyiça 42 yillik antirekordini takrorlaşiga oz qolgandi, ammo bunga Kunya qarşi çiqdi.
Keyingi turda «MU» «Sporting» maydoniga safar qiladi – Brunu Fernandeş öz sobiq jamoasiga qarşi maydonga tuşişiga töğri keladi. «Roma»ni esa «PSJ» maydoniga qiyin safar kutmoqda.
Madrid zabt etildi
«Atletiko» – «Bavariya» 0:2 Gollar: Karl, 54 (0:1). Laymer, 74 (0:2) «Atletiko»: Oblak, Gansko, Le Norman (Koke, 59), Grimaldo, Pubil, Barrios (Mendosa, 75), Liorente, Baena (Li Kan In, 59), Simeone, Syorlot (Lukman, 59), Alvares (Devid, 75) «Bavariya»: Noyer, Upamekano, Ta, Stanişiç, Laymer (Boe, 89), Kimmih, Bişof, Karl (Braun, 68), Deyvis (Kim Min Je, 79), Olise, Keyn Ogohlantirişlar: Simeone, 79 – Kimmih, 56. Stanişiç, 90
Turning markaziy bahsi «Atletiko»ning xavfli hujumi bilan boşlandi, ammo Alvaresning aylantirib yöllangan zarba biroz xato ketdi. Öz navbatida, Keynga ham aniqlik yetişmadi. Birinçi bölimda boşqa golli vaziyatlar bölmadi, «Bavariya» esa 45 daqiqa içida birorta darvoza sohasiga töğri borgan zarba yöllay olmadi.
Ammo ikkinçi bölimda madridliklar himoyasidagi xatolar öyin taqdirini hal qildi. Avvaliga Le Norman töpni jarima maydonidan uzoqlaştirişda sustkaşlikka yöl qöydi va Karl bundan foydalanib, töpni Oblak ustidan oşirib darvozaga yölladi.
Biroz ötib esa mezbon jamoa himoyaçilari çap qanotda Laymerni yolğiz qoldirişdi va u qaytarib bölmas zarbani tayyorlaş uçun yetarliça vaqtga ega böldi – 0:2.
«Atletiko» barça turnirlar doirasida töqqiz öyin (8 ğalaba va bir durang) davom etgan mağlubiyatsiz seriyasini töxtatdi. Qolaversa, bu Diego Simeone şogirdlari uçun öz tarixida ilk bor «Bavariya»ga öz maydonida mağlub bölişi böldi. Bungaça madridliklar myunxenliklarga qarşi öz uyida ötkazilgan öyinlarda ikki ğalaba va bir durangga erişgandi. Umuman, jamoa nemislarga sönggi bor 1996/97 yillar mavsumida yutqazgan, öşanda «Borussiya» Madriddan ğalaba bilan qaytgandi (0:1). Şundan keyin Germaniya klublariga qarşi öyinlarda 12 ğalaba va tört durang qayd etilgan. Endi esa «Bavariya» uşbu noxuş anʼanaga çek qöydi.
Harri Keyn esa YeÇLda Kriştianu Ronalduga tegişli bölgan golli seriyani takrorlay olmadi. Angliyalik hujumçi bungaça Çempionlar ligasida qatorasiga 10 öyinda gol urgandi, ammo ön birinçisi bölmadi.
«Atletiko» tört turda atigi 4 oçko jamğardi va tur yakunlariga köra pley-off çegarasidan çiqib ketişi mumkin.
Keyingi turda «Atletiko» «Viking»ni qabul qiladi, «Bavariya» «Lill» mehmoni böladi.
«Vilyarreal» öz uyida «PSJ»ga heç qanday qarşilik körsata olmadi – 0:6. Parijliklar öyin masalasini şu qadar tez hal qilişdiki, 15-daqiqadayoq zaxira öyinçilarini maydonga tuşirişni boşlaşi mumkin edi.
Luisa Enrike şogirdlari öyindagi ilk imkoniyatdan gol urişdi: töqqizinçi daqiqada burçak zarbasi ijro etildi va Joau Neveş hisobni oçdi. Keyin esa mezbonlar darvozaboni Peter Gulaçi qisqa vaqt içida ikki bor töpni uzoqlaştirişda xatoga qöl qöydi: Dezire Due 12-daqiqada, Sanni Meyulyu 13-daqiqada öz nomlariga bittadan gol yozdirişdi.
«Vilyarreal» ustozi Iniigo Peres tezkor reaksiya körsata olmadi va parijliklar gol urişda davom etişdi: 17-daqiqada mehmonlar yana raqibni pressingi bilan xatoga majbur qildi va bu safar Fabian Ruis hisobni yanada yiriklaştirdi.
Ispaniyalik futbolçi golini nişonlamadi va qöllari bilan osmonga işora qildi. U şuningdek barmoqlari bilan «töqqiz» raqamini körsatdi – bu orqali u «Tenerife»ning töqqizinçi raqamli hujumçisi, öyin vaqtida vafot etgan Xesus de Migelni xotirladi. Öyindan oldin muxlislar ham bir vaqtning özida ikki fojia yuzasidan sukut saqlaşgandi: de Migel va Toledodagi temiryöl halokati qurbonlari xotirasi uçun.
Ikkinçi bölim boşida Ruis ikkinçi golini urdi, zaxiradan tuşgan 17 yoşli David Boli yakuniy hisobni örnatdi – 0:6.
Keyingi turda «PSJ» uyda «Roma» bilan öynaydi, «Vilyarreal»ni «Slaviya» maydoniga safar kutmoqda.
Ötgan hafta oxirida içki çempionatda «Milan»ga qarşi derbini boy bergan (1:3) «Inter» alamini «Feyenoord»dan oldi – 0:3.
Italyanlar sakkizinçi daqiqadayoq hisobni oçişdi: himoyaçi Yann Bissek raqib jarima maydonida paydo bölib, olis ustun tomon aniq zarba yölladi. Tanaffus arafasida Françesko Espozito hisobdagi farqni ikkitaga oşirdi, ikkinçi bölim boşida Petr Zelinski öyin masalasiga nuqta qöydi.
Holbuki milanliklar xG böyiça katta ustunlikka ega bölmagandi – 0,68 ga qarşi 0,94. Ammo vaziyatlaridan foydalangan mehmonlar ikkinçi bölimda öyinning borişni işonç bilan nazorat qilişdi.
Keyingi turda «Inter» uyda «Ştutgart», «Feyenoord» – «Portu» bilan öynaydi.
LASK «Slovan»ga heç qanday imkoniyat qoldirmadi – 4:0. Slovaklar – tört öyinda tört marta yutqazib (1:17), liga autsayderi maqomini mustahkamladi.
Avstriyaliklar birinçi bölimdayoq hisobni yirik körinişga keltirdi: Kasper Yergensen dubl muallifi böldi, Robert Lyubiçiç tanaffus arafasida uçinçi golni urdi. Tanaffusdan keyin ham faqat LASK gol urdi. Mezbonlar şu kuni jami 29 bor zarba berişdi va kutilgan gollar böyiça 4,7 xG körsatkiçini qayd etişdi.
«Slovan» Çempionlar ligasida özi iştirok etgan barça 12 uçraşuvda yutqazgan va har safar birinçi bölimdayoq gol ötkazib yuborgan. Uşbu jamoa umuman turnir darajasiga mos kelmayapti.
LASK esa ötgan turda turnirdagi ilk ğalabasini nişonlagandi – öşanda «Sporting» maydonida 3:2 hisobida ğalabana erişilgandi. Endi oçkolari sonini 6 taga yetkazgan avstriyaliklar pley-offga çiqiş haqida öylay boşladi.
Keyingi turda «Slovan» «Betis»ni qabul qiladi, LASK «Budyo-Glimt» mehmoni böladi.
«Galatasaroy» öz uyida «Ştutgart»ni mağlub etdi – 2:0.
Yozgi transferlar çoğida Turkiyaga kelgan rossiyalik Aleksey Batrakov «Galatasaroy» safida ajoyib statistika qayd etmoqda – 5+2. Bu gollar orasida YeÇLda «Barselona» va «Lill»ga urilgan gollar ham bor.
Batrakov bu öyinda ham dastlab 12-daqiqada raqib himoyasidan qaytgan töpga ega çiqdi va yaqin töqqizlikni aniq nişonga oldi. U bu golini ham öz stilida – raqibga «xayrli tun» tilab nişonladi.
Uç daqiqa ötib Davinson Sançesning ideal uzatmasidan keyin töpni darvozabon oyoqlari orasidan ötkazib, öyin taqdirini hal qildi.
Keyingi turda «Galatasaray» «Aston Villa»ni qabul qiladi, «Ştutgart» safarda «Inter» bilan öynaydi.
«Şaxtyor» Londonda keçgan öyinda «Sporting»ga yutqazdi – 0:1.
Ukrainlar jamoasi raqibga qaraganda köproq zarba berdi (14:11), öyinning köproq vaqtida töpga egalik qildi (54 foiz) va kutilgan gollar böyiça ham yaxşiroq natijaga erişdi (1,3 ga qarşi 2 xG), ammo bitta ham gol urolmadi. 59-daqiqada Issa Dumbiya tomonidan urilgan gol öyinda yagonaligini saqlab qoldi. Uşbu 23 yoşli yarimhimoyaçi uçun bu YeÇLda ikkinçi gol bölmoqda, ötgan turda u «Lans»ni mağlub etişga yordam bergandi (2:0).
Keyingi turda «Sporting» «MU»ni qabul qiladi, «Şaxtyor» «Stemford Brij»da «Fenerbahçe» bilan öynaydi.
Bu oqşomning golsiz yakunlangan yagona uçraşuvi böldi. Öyin amalda ham teng keçdi – xG böyiça körsatkiç 0,51 va 0,58. Töpga egalik qiliş körsatkiçi ham 50 ga 50 körinişida edi. Holbuki golsiz durang uşbu jamoalar uçun xos hisob emasdi: «Budyo» va «Lill» iştirokida Çempionlar ligasida bölib ötgan oxirgi 10 ta öyinda jami 39 gol urilgan – bir öyinga örtaça 3,90 gol.
Bu durang orqali «Lill» turnirdagi ilk oçkosini qölga kiritdi, norveglarda uçta oçko köproq.
Keyingi turda «Budyo» Avstriyaning LASK klubiga qarşi öynaydi. «Lill» uyda «Bavariya»ni töxtatişga harakat qilib köradi.
