Tadbirda 30 dan ortiq ommaviy axborot vositalari vakillari, jumladan, jurnalistlar va avto blogerlar ishtirok etdi. Mehmonlar har ikki modelni sinovdan oʻtkazib, ular uchun tashkil etilgan avtomobil boshqarish musobaqasida qatnashdi. Eng yaxshi natijalarni koʻrsatgan ishtirokchilar Geely tomonidan maxsus sovgʻalar bilan taqdirlandi.
236 600 000 soʻmdan taklif etilayotgan Geely EX2 asosan shahar sharoitida foydalanish uchun moʻljallangan ixcham elektromobildir. Uning ixcham oʻlchamlari, yengil boshqarilishi va 4,95 metrlik burilish radiusi tor koʻchalar, tirband yoʻllar va cheklangan avtoturargohlarda harakatlanishni ancha osonlashtiradi. Tashqi oʻlchamlari ixcham boʻlishiga qaramay, puxta rejalashtirilgan salon haydovchi va yoʻlovchilar uchun yetarli joy taqdim etadi. Ushbu xususiyatlar EX2’ni kundalik shahar qatnovlari uchun qulay va tejamkor yechimga aylantiradi.
246 500 000 soʻmdan taklif etilayotgan Geely Emgrand esa keng va qulay oilaviy sedan izlayotgan insonlar uchun moʻljallangan. Modelning asosiy ustunliklaridan biri - keng salon, ayniqsa uch nafar katta yoshli yoʻlovchi bemalol joylasha oladigan orqa oʻrindiqlar qatoridir. 1,5 litrli benzin dvigateli va 6 pogʻonali avtomatik uzatmalar qutisi kundalik foydalanishda qulay va ravon boshqaruvni taʼminlaydi.
Turli segmentlarga mansub boʻlishiga qaramay, har ikki model ham amaliylik, qulaylik, zamonaviy texnologiyalar va maqbul narxni oʻzida birlashtiradi. Geely Emgrand va Geely EX2 modellarini amaldagi moliyaviy dasturlar doirasida 0% yillik ustama asosida boʻlib toʻlash orqali xarid qilish imkoniyati mavjud. Boshlangʻich toʻlov, toʻlov muddati va oylik toʻlovlar boʻyicha batafsil shartlar Geely’ning rasmiy dilerlik markazlari yoki 1879 raqamli Call Center orqali olish mumkin.
Geely Emgrand va Geely EX2 Oʻzbekistondagi barcha rasmiy Geely dilerlik markazlarida sotuvga chiqarilgan. Istalgan mijoz rasmiy dilerlik markaziga tashrif buyurib, avtomobillarni yaqindan koʻrishi va test-drayv orqali ularning imkoniyatlarini shaxsan baholashi mumkin.
