Bir bak yoqilgʻi va toʻliq quvvatlangan akkumulyator bilan Toshkentdan Xivagacha yetib borish mumkinmi?Ha, mumkin!
Geely EX5 EM-i esa bundan ham uzoqroq masofani bosib oʻtishga qodir ekanini amalda isbotladi.
Geely Auto Uzbekistan Buyuk Ipak yoʻlining tarixiy shaharlari boʻylab xalqaro “3L Challenge” sinovini muvaffaqiyatli yakunladi. EX5 EM-i super gibrid krossoveri haqiqiy yoʻl sharoitlarida oʻrtacha 3,8 l/100 km yoqilgʻi sarfini qayd etdi.
Oʻzbekiston yoʻllarida oʻtkazilgan sinov davomida Geely EX5 EM-i super gibrid krossoveri qoʻshimcha yoqilgʻisiz va akkumulyatorni qayta quvvatlashsiz 1 205 kilometr masofani bosib oʻtdi. Avtomobilning bort kompyuteri maʼlumotlariga koʻra, oʻrtacha yoqilgʻi sarfi 100 kilometrga atigi 3,8 litrni tashkil etdi. Eng eʼtiborlisi, 1205 km dan keyin, benzin tugagan vaqtda ham akkumulyatorda 23 foiz quvvat saqlanib qolgan edi.
Ushbu natija Geely kompaniyasining xalkaro “3L Challenge” loyihasi doirasida qayd etildi. Mazkur loyiha EM-i Super Gibrid texnologiyasining tejamkorligi va uzoq masofalarga harakatlanish imkoniyatlarini turli mamlakatlarning haqiqiy yoʻl sharoitlarida sinovdan oʻtkazishga qaratilgan.
Buyuk Ipak yoʻli shaharlari boʻylab 1 205 kilometr
Sinov Toshkent shahrining Sergeli tumanida joylashgan rasmiy Geely dilerlik markazidan boshlandi. Safar oldidan avtomobilning 50 litrli yoqilgʻi baki toʻldirildi va akkumulyatori 100 foizgacha quvvatlandi.
Krossover dastlab Samarqand shahri orqali Navoiyga, soʻng Buxoroga yoʻl oldi. Buxoroda jamoa Geely rasmiy dilerlik markaziga tashrif buyurdi. Keyingi yoʻnalish esa choʻl hududlaridan oʻtuvchi uzun avtomobil yoʻllari orqali Urganch shahriga davom etdi. Bu yerda ham rasmiy Geely dilerlik markaziga tashrif buyurilgach, avtomobil safarning asosiy manzili - tarixiy Xiva shahriga yetib bordi.
Foto: Geely
Xivaga yetib kelganida EX5 EM-i allaqachon 1 055 kilometr masofani biror marta yoqilgʻi qұymasdan va akkumulyatorini qayta quvvatlamasdan bosib oʻtgan edi.
Biroq sinov shu bilan yakunlanmadi.
Avtomobilda hali energiya zahirasi mavjud boʻlgani sababli haydovchilar uning imkoniyatlarini yanada chuqurroq sinab koʻrishga qaror qilishdi. Ular odatiy haydash sharoitlarini saqlagan holda harakatni davom ettirishdi.
Mavzuga oid
Natijada avtomobil 1 205 kilometr masofani bosib oʻtgach, bakdagi benzin tugadi. Shunga qaramay, akkumulyatorda 23 foiz quvvat saqlanib qoldi. Bu esa avtomobil elektr energiyasi hisobiga harakatni davom ettirish imkoniyatiga ega ekanini koʻrsatdi.
Shunday qilib, EX5 EM-i nafaqat Toshkentdan Xivagacha boʻlgan masofani bir bak yoqilgʻi va bir marta toʻliq quvvatlanish bilan bosib oʻtdi, balki belgilangan manzildan keyin yana 150 kilometr yoʻl yurdi va yana yurish quvvatini saqlab qoldi.
Foto: Geely
Laboratoriyada emas, haqiqiy yoʻl sharoitlarida
Ushbu sinovning eng muhim jihati - natijalarning Oʻzbekistonning haqiqiy yoʻl sharoitlarida qayd etilganidir.
Safarda ikki nafar avtomobil blogeri ishtirok etib, ular butun yoʻl davomida navbatma-navbat avtomobilni boshqarishdi va uning imkoniyatlarini kuzatib borishdi.
Foto: Geely
Yoʻnalish davomida avtomobil shahar koʻchalaridan, svetoforlar va tirbandliklardan, shaharlararo avtomobil yoʻllaridan hamda uzun magistrallardan harakatlandi.
Sinov davomida oʻrtacha tezlik 58 km/soatni tashkil etdi. Bu koʻrsatkich shahar ichidagi harakat, tirbandliklar, svetoforlar va magistral yoʻllardagi tezliklarni oʻz ichiga oladi.
Sinovdan koʻzlangan asosiy maqsad faqat eng past yoqilgʻi sarfiga erishish emas, balki avtomobilning kundalik hayotda, odatiy uzoq masofali safarlarda qanday natija koʻrsatishini aniqlash edi.
Ishtirokchilar safar davomida EX5 EM-i’ning qulayligi va zamonaviy haydovchiga koʻmaklashuvchi funksiyalarini ham sinovdan oʻtkazishdi.
Xususan, Buxorodan Urganchga olib boruvchi choʻl yoʻllarida adaptiv kruiz-nazorat tizimi ayniqsa foydali boʻldi. Ushbu tizim belgilangan tezlikni saqlashga va oldindagi transport vositasiga nisbatan masofani avtomatik boshqarishga yordam berib, uzoq safarda haydovchining yuklamasini kamaytirdi.
Foto: Geely
Turli yoʻl sharoitlari, shahar tirbandliklari va uzoq magistral yoʻllarga qaramay, avtomobil bort kompyuterida oʻrtacha yoqilgʻi sarfi 3,8 l/100 km sifatida qayd etildi.
Bu natija Oʻzbekistonda shaharlar oʻrtasida tez-tez sayohat qiluvchi haydovchilar uchun super gibrid texnologiyasining amaliy afzalliklarini namoyish etdi.
Geely EX5 EM-i tejamkorligining siri nimada?
EX5 EM-i’ning yuqori samaradorligi Geely tomonidan ishlab chiqilgan EM-i Super Gibrid texnologiyasi bilan bogʻliq. Ushbu tizim benzin dvigateli, elektromotor, zamonaviy akkumulyator va intellektual energiya boshqaruvi tizimini birlashtiradi.
Oddiy benzinli avtomobillardan farqli ravishda, EX5 EM-i elektr energiyasidan samarali foydalanish va ichki yonuv dvigatelini imkon qadar tejamkor ish rejimida ishlatishga moʻljallangan.
Bunda uchta asosiy texnologiya muhim oʻrin tutadi:
* Foydali ish koeffitsiyenti 46,5 foizga yetadigan gibrid dvigatel
EX5 EM-i maxsus ishlab chiqilgan 1,5 litrli benzin dvigateli bilan jihozlangan. Geely texnik maʼlumotlariga koʻra, uning maksimal issiqlik samaradorligi 46,5 foizga yetadi. Oddiy qilib aytganda, bu koʻrsatkich yoqilgʻidagi energiyaning qanchalik samarali ravishda foydali mexanik energiyaga aylantirilishini bildiradi.
Samaradorlik qancha yuqori boʻlsa, energiyaning issiqlik sifatida yoʻqotilishi shuncha kamayadi. Natijada avtomobil yoqilgʻidan unumliroq foydalanadi va uzoq masofalarda ham tejamkor harakatlana oladi.
* 11 ta komponentni birlashtirgan E-DHT elektr uzatma tizimi
Geely'ning innovatsion “11-in-1 E-DHT” tizimi 11 ta muhim komponentni yagona ixcham qurilmaga birlashtiradi. Geely maʼlumotlariga koʻra, ushbu yechim elektr uzatma tizimi ogʻirligini taqqoslash uchun olingan anʼanaviy konstruksiyaga nisbatan 13,5 foizga kamaytirish va energiya uzatilishidagi yoʻqotishlarni qisqartirish imkonini beradi. Bunday texnologiya avtomobilning umumiy samaradorligini oshirish bilan birga, ravon harakatlanish va tezlanish xususiyatlarini ham yaxshilaydi.
* Intellektual energiya boshqaruvi va zamonaviy akkumulyator texnologiyasi
EX5 EM-i harakat sharoitlariga qarab benzin va elektr energiyasidan foydalanishni avtomatik ravishda muvofiqlashtiradi. Shahar ichida past tezlikda harakatlanganda avtomobil faqat elektr energiyasidan foydalanishi mumkin. Qoʻshimcha energiya talab etilganda benzin dvigateli ishga tushadi. Kuchli tezlanish yoki quvib oʻtish vaqtida esa elektromotor va dvigatel birgalikda ishlashi mumkin.
Bundan tashqari, regenerativ tormozlanish texnologiyasi sekinlashish va tormozlanish jarayonida hosil boʻladigan energiyaning bir qismini qayta elektr energiyasiga aylantirib, akkumulyatorda saqlash imkonini beradi.
Ushbu texnologiyalarning birgalikdagi ishlashi EX5 EM-i’ga quvvat, harakatlanish masofasi va yoqilgʻi tejamkorligi oʻrtasida samarali muvozanatni taʼminlashga yordam beradi.
Avstraliyadan Oʻzbekistongacha: xalqaro samaradorlik sinovi
Oʻzbekistondagi muvaffaqiyatli sinov Geely EM-i Super Gibrid texnologiyasining imkoniyatlarini dunyo boʻylab namoyish etishga qaratilgan keng koʻlamli xalqaro tashabbusning bir qismidir.
Ushbu texnologiya xalqaro miqyosda ham eʼtirof etilgan.
Avstraliyada bir qator bozorlarda Geely STARRAY EM-i nomi bilan sotiladigan EX5 EM-i krossoveri “Sydney–Melbourne Coastal Drive” yoʻnalishida plagin-gibrid SUV avtomobillari orasida yoqilgʻi tejamkorligi boʻyicha GUINNESS WORLD RECORDS™ rekordini oʻrnatgan.
Guinness World Records rasmiy vakillari nazorati ostida oʻtkazilgan sinovda avtomobil 1 056 kilometr masofani bosib oʻtib, 100 kilometrga 3,83 litr yoqilgʻi sarfini qayd etgan.
Geely'ning xalqaro samaradorlik sinovlari Braziliya va Vyetnam kabi mamlakatlarda ham oʻtkazilib, EM-i Super Gibrid texnologiyasining turli iqlim va yoʻl sharoitlaridagi imkoniyatlari namaoyish etilgan.
Endi ushbu xalqaro tashabbusga Oʻzbekiston ham qoʻshildi.
Mahalliy sinov uchun Samarqand, Buxoro va Xiva kabi Buyuk Ipak yoʻlining tarixiy shaharlarini bogʻlovchi yoʻnalish tanlandi. Bu safar nafaqat avtomobilning texnik imkoniyatlarini sinovdan oʻtkazish, balki Oʻzbekistonning turli hududlaridagi haqiqiy yoʻl sharoitlarida super gibrid texnologiyasining amaliy samaradorligini koʻrsatish imkonini berdi.
Sinov yakuni: 1 205 km, 3,8 l/100 km va 23% qolgan quvvat
Oʻzbekistonda oʻtkazilgan “3L Challenge” quyidagi natijalar bilan yakunlandi:
* Umumiy bosib oʻtilgan masofa: 1 205 km
* Toshkentdan Xivagacha boʻlgan masofa: 1 055 km
* Oʻrtacha yoqilgʻi sarfi: 3,8 l/100 km
* Oʻrtacha harakatlanish tezligi: 58 km/soat
* Boshlangʻich energiya zahirasi: 50 litrli toʻliq yoqilgʻi baki va 100% quvvatlangan akkumulyator
* Yoʻl davomida qoʻshimcha yoqilgʻi quyish yoki quvvatlash: amalga oshirilmadi
* Sinov yakunida qolgan akkumulyator quvvati: 23%
* Haydovchilar: navbatma-navbat avtomobilni boshqargan ikki nafar avtomobil blogeri
Foto: Geely
Ushbu natijalar EX5 EM-i’ning uzoq masofalarni bosib oʻtish bilan birga, Oʻzbekistonning odatiy yoʻl sharoitlarida ham yuqori yoqilgʻi tejamkorligini taʼminlay olishini koʻrsatdi.
Sinov, shuningdek, plagin-gibrid texnologiyasining asosiy afzalliklaridan birini - elektr energiyasining tejamkorligi va benzin dvigateli taʼminlaydigan uzoq masofaga harakatlanish imkoniyatini bir avtomobilda mujassamlashtirish mumkinligini namoyish etdi.
Toshkentdan Xivagacha va undan yana 150 kilometr uzoqroqqa - Geely EX5 EM-i uzoq masofalarga sayohat qilish va yoqilgʻini tejash bir-biriga zid emasligini amalda isbotladi.
Geely Auto Uzbekistan haqida
Geely Auto Uzbekistan - Geely Auto brendining Oʻzbekistondagi rasmiy vakili. Kompaniya mamlakat bozorida benzinli, elektr va plagin-gibrid avtomobillarni, jumladan, Monjaro, EX5 EV, EX5 EM-i, Emgrand va EX2 modellarini taqdim etadi.
Mijozlar Oʻzbekiston boʻylab faoliyat yuritayotgan 10 ta rasmiy Geely dilerlik markazida avtomobillar bilan yaqindan tanishishlari, test-drayvdan oʻtishlari hamda xarid shartlari, kafolat va servis xizmatlari haqida maʼlumot olishlari mumkin.
Izoh: Oʻzbekistondagi sinov natijalari avtomobilning bort kompyuteri koʻrsatkichlari va sinov ishtirokchilarining kuzatuvlariga asoslangan. Amaldagi yoqilgʻi sarfi va harakatlanish masofasi yoʻl sharoitlari, haydash uslubi, havo harorati, tirbandliklar, avtomobil yuklamasi va boshqa omillarga qarab farq qilishi mumkin.
