28-avgust kuni davlat rahbari Yangi Oʻzbekiston bogʻidagi Mustaqillik monumentini ziyorat qildi.
Ushbu mahobatli majmuada xalqimizning koʻp asrlik tarixi, buyuk allomalar va jahongir ajdodlarimiz siymolari, shuningdek, yurtimiz taraqqiyotidagi muhim voqealar oʻz ifodasini topgan.
Monument choʻqqisidagi Humo qushi ozodlik va ezgulik gʻoyalarini, xalqimizning olijanob orzu-intilishlarini ifoda etadi.
Vatan mustaqilligining 35 yilligi munosabati bilan oʻtkazilgan marosimda Oliy Majlis Qonunchilik palatasi va Senati, Prezident administratsiyasi, Vazirlar Mahkamasi hamda Toshkent shahar jamoatchiligi vakillari ishtirok etdi.
