DW xabariga koʻra, Kanada bosh vaziri Mark Karni 18-oktabr kuni Ottavada oʻtkazilgan matbuot anjumanida qurbonlar haqidagi maʼlumotni tasdiqlagan. Halok boʻlgan harbiylarning oilalari xabardor qilingan.
Karni voqeani Kanada qurolli kuchlari mamlakat hududida tinchlik davrida boshdan kechirgan eng ogʻir fojialardan biri deb atagan.
Hokimiyat maʼlumotiga koʻra, oʻta ogʻir ahvoldagi 19 kishidan tashqari, yana qariyb 20 kishi nisbatan yengilroq jarohat olgan.
Xabarda aytilishicha, tabiiy yongʻin 18-oktabr kuni kunduzi boshlangan. Biroq harbiy rahbariyat mashgʻulotlarni toʻxtatmaslikka qaror qilgan.
Keyinchalik kuchli shamol koʻtarilib, olov dasht boʻylab harbiylar tomon jadal tarqalgan. Generallar keltirgan maʼlumotga koʻra, alanga atigi 36 soniyada bir kilometr masofani bosib oʻtgan.
Yongʻinning kelib chiqish sababi va mashgʻulotlarni davom ettirish qarori tafsilotlari xabarda ochiqlanmagan.
