АҚШ бош прокурори Обама прокурорларидан истеъфога чиқишни талаб қилди

АҚШнинг янги бош прокурори Жефф Сешнс собиқ президент Барак Обама томонидан тайинланган 46 нафар федерал прокурорларнинг истеъфо беришларини талаб қилди. Бу ҳокимиятнинг «бир хилда ўтиш» жараёнини таъминлайди, деб хабар қилмоқда Reuters агентлиги мамлакат адлия вазирлигига асосланган ҳолда. 

Унинг сўзларига кўра, янги федерал прокурорлар тасдиқлангунча, идоралардаги бошқа прокурорлар вазифаларини адо этиб туришади. 

Янги федерал прокурорларни тайинлаш АҚШнинг янги президенти бошқаруви аввалидаги меъёрий ҳолат ҳисобланади. 

Бунда, агентликнинг қайд этишича, Манхэттен прокурори Прит Бхарара Обама томонидан тайинланган бўлса-да, лавозимида қолиши мумкин. 

Америка мулозимининг сўзларига кўра, у Дональд Трамп ва Сешнс билан учрашган. Улар Притни лавозимида сақлаб қолишга қарор қилган. 

Бироқ, бу қарор Сешнснинг сўнгги эълонидан аввал қабул қилинган, шунга кўра, Бхарара лавозимини ҳақиқатдан ҳам сақлаб қолиши номаълум бўлиб қолмоқда.