Мексикалик мультимиллиардер Слим The New York Times’нинг акцияларини сотиб юборди

Фото: Getty Images

Мексикалик мультимиллиардер Карлос Слим The New York Times газетасининг ўзига тегишли бўлган акциялари қисмини сотиб юборди. Бу ҳақда Forbes хабар бермоқда.

Таъкидланишича, Слимнинг оиласига тегишли бўлган Grupo Carso инвестиция гуруҳи томонидан нашрнинг ҳаммаси бўлиб 521,5 мингта акцияси сотиб юборилган. Келишув қиймати 10 миллион долларга баҳоланмоқда.

Слим бу келишувга қадар New York Times’нинг 17 фоизига эгалик қилганди (28 млн акциялар). Шу билан бирга, унинг тўплами умумий қиймати тахминан 370 млн долларга баҳоланди.

Эслатиб ўтамиз, жорий йилнинг бошида Карлос Слим Мексика пойтахтида янги аэропорт қуриб бериши ҳақида хабарлар тарқалганди.

Тайёрлаган: Отабек Матназаров

#The New York Times #Карлос Слим