Трамп The New York Times газетасига қарши кўп миллиард долларлик даъво киритди

АҚШ президенти Доналд Трамп The New York Times газетасини «радикал сўл Демократик партиянинг виртуал карнайи» бўлиб хизмат қилганликда айблаб, туҳмат учун 15 миллиард доллар миқдорида даъво қўзғатаётганини эълон қилди. Оқ уй раҳбари тегишли хабарни Truth Social ижтимоий тармоғида эълон қилди.

«Times газетаси ўнлаб йиллар давомида сизнинг севимли президентингиз, менинг оилам, менинг бизнесим, "Америка баридан устун" ҳаракати, MAGA ва мамлакатимиз ҳақида ёлғон гапириш (тарқатиш) амалиётига эга», — деди Трамп. У, шунингдек, газета таҳририятини президентлик сайловолди кампанияси давомида демократ номзод Камала Ҳаррисни қўллаб-қувватлагани учун танқид қилиб, буни «тарихдаги энг йирик ноқонуний сайлов кампанияси ҳиссаси» деб атади.

«The New York Times'га узоқ вақтдан бери ёлғон гапириш, туҳмат қилишга рухсат берилди ва бу энди тўхтайди», деди Америка раҳбари ва Флорида штатида судга даъво аризаси бераётганини қўшимча қилди.

У аввалроқ Трамп имзолаган ва молиячи Жеффри Эпштейнга 20 йилдан кўпроқ вақт олдин юборилган табрикномани нашр этгани учун судга бериш билан таҳдид қилган эди.