БМТ Бош ассамблеяси Исроилнинг Ғазо секторидаги ҳаракатларини қоралади

Фото: Mohammed Abed / AFP

БМТ Бош ассамблеяси Исроилнинг Ғазо секторидаги ҳаракатларини қораловчи резолюцияни қабул қилди.

Ҳужжат 120 давлат томонидан қўллаб-қувватланди, саккизтаси қарши овоз берди, 45таси - бетараф қолди. Таъкидланишича, қабул қилинган резолюция лойиҳаси АҚШ БМТ Хавфсизлик кенгашида қабул қилинишини блоклаб қўйган ҳужжатга ўхшашдир.

Резолюция Исроилдан Фаластин тинч аҳолисига қарши «ўта кучли, нопропорционал ва танловсиз» кучни қўллашдан тийилишни талаб қилади.

Бундан ташқари, БМТ Бош ассамблеяси минтақада «дарҳол, мустаҳкам ва тўла риоя этилувчи ўт очишни тўхтатиш режимини таъминлаш учун тезкор ҳаракатларга» чақиради.

Эслатиб ўтамиз, аввалроқ Исроил армияси фаластинлик 4 шахсни ўлдиргани, 618 киши жароҳат олгани хабар берилганди.

Тайёрлаган Отабек Матназаров

#БМТ #Исроил #Фаластин #Ғазо

2018 йил 14 май куни Қуддусда АҚШ элчихонаси очилишига жавобан фаластинликлар Ғазо секторида норозилик намойишлари ўтказишди. Натижада Исроил ҳарбийлари билан қуролли тўқнашувлар келиб чиқиб, ўнлаб фаластинлик ҳалок бўлди.