Хитойдаги меҳмонхонада ёнғин, ўнлаб одамлар ҳалок бўлди

Хитойнинг Харбин шаҳридаги меҳмонхонада юз берган ёнғин натижасида 18 киши ҳалок бўлди. Бу ҳақда The Washington Post хабар бермоқда.

Нашр маълумотларига кўра, ёнғин термал манбалар билан машҳур бўлган меҳмонхонада содир бўлди.

Таъкидланишича, жароҳат олганлар сони ҳақидаги маълумот ҳозирча йўқ.

Айни дамда воқеа юз берган жойда қутқарув ишлари давом эттирилмоқда.

Аввалроқ, Тайваннинг Синьбэй шаҳридаги шифохонада юз берган йирик ёнғин оқибатида тўққиз киши ҳалок бўлгани хабар қилинганди.