Tayvandagi shifoxonada yirik yong‘in, to‘qqiz kishi halok bo‘ldi

Tayvanning Sinbey shahridagi shifoxonada yuz bergan yirik yong‘in natijasida to‘qqiz kishi halok bo‘ldi. Bu haqda «Sinxua» xabar qildi.

Agentlik ma'lumotlariga ko‘ra, yong‘in oqibatida yana 16 kishi turli darajada jarohat olgan.

Ta'kidlanishicha, o‘t o‘chiruvchilar shifoxona binosidan 31 kishini xavfsiz joyga ko‘chirishga muvaffaq bo‘lishgan.

Shu bilan birga, jarohat olganlarning 10 nafari o‘ta og‘ir ahvolda qolmoqda.

Ayni damda politsiya ro‘y bergan hodisaning barcha tafsilotlarini aniqlashtirish bilan band.