Трамп самолётдаги фавқулодда вазиятдан сўнг рафиқасини мақтади

Америка Қўшма Штатлари президенти Дональд Трамп самолётда тутун пайдо бўлган пайтда ўзини хотиржам тутган рафиқаси Меланья Трампни мақтади. У бу ҳақда Монтанадаги митинг давомида маълум қилди, тадбирдан тўғридан-тўғри трансляция Трампнинг фейсбукдаги саҳифасида эфирга узатилди.

Америка етакчисининг тан олишича, самолёт бортидаги ёнғин ҳақида хабар беришганида, у бошқа ҳеч нарса айтмасликни сўраган.

«Улар тезлик билан пастлашди. Ажойиб учувчилар. Меланья ҳам ўзини жуда хотиржам тутди», - деган Трамп.

Унинг сўзларига кўра, Меланья Трамп фавқулодда вазият пайтида қўрқиб кетмаган.

«У нима қилди? У шу даражада хотиржам бўлганки, биз бунга ишонмадик ҳам. Ҳамманинг юзида нам сочиқ бўлган, мен ҳам, эҳтимол, шундай қилган бўлардим, у эса қандай ўтирган бўлса, шундай ўтираверган. У шундай. У ажойиб биринчи хоним», - дея қўшимча қилиб ўтди Трамп.

Эслатиб ўтамиз, аввалроқ Меланья Трампнинг самолёти билан фавқулодда вазият юз бергани хабар қилинганди.