ОАВ АҚШнинг Афғонистон бўйича режаларини маълум қилди

Фото: U.S. Army/Pfc. David Devich

Америка Қўшма Штатлари Афғонистонда ўз ҳарбий иштирокини икки баробар қисқартириш ниятида, деб ёзмоқда Military.com портали Пентагондаги манбага таянган ҳолда.

Манбанинг айтишича, Афғонистондаги АҚШ ва НАТО қўшинлари қўмондони, генерал-лейтенант Скотт Миллер минтақада жойлаштирилган 14 минг аскардан тахминан 7 минг аскарни мамлакатдан олиб чиқиб кетади. Унинг баҳолашича, қўшинларни олиб чиқиш жараёни 8 ойдан 12 ойгача давом этади.

Шу билан бирга, манба қайд этишича, АҚШнинг зарба бериш гуруҳлари «Толибон» жангарилари позицияларига ҳужум қилиш учун Афғонистонда қолади.

2018 йил охирида Оқ уй Америка етакчиси Дональд Трамп Афғонистондаги АҚШ ҳарбий иштирокини камайтиришга буйруқ бермагани ҳақида маълум қилганди.

Эслатиб ўтамиз, аввалроқ 2019 йилда 10 та минтақага катта эътибор қаратилиши айтилганди.