Москвадаги қурилиш объектида сайлов: мигрантлар депутатлардан нима кутмоқда?

Вакиллик органларига сайловда муддатидан олдин овоз бериш бугун, 18 декабрь куни тўхтатилди. Жараён сайловга ўн кун қолганда, 12 декабрдан бошланган эди.

Муддатидан олдин овоз бериш тадбирлари бир ҳафта давомида хорижий мамлакатларда ҳам бўлиб ўтди – чет элдаги ўзбеклар кўп яшайдиган шаҳарлар ва муайян нуқталарда сайёр сайлов участкалари ташкил этилди.

Жумладан, 17 декабрь куни Москва шаҳридаги «Сердце столицы» турар-жой мажмуаси қурилишида ишлаётган ўзбекистонлик сайловчилар учун қурилиш объектида ҳам муддатидан олдин овоз бериш жараёни бўлиб ўтди.

Kun.uz мухбири 146-сонли сайлов участкасида бўлиб, қурилишда ишлаётган сайловчи-мигрантлар билан суҳбатлашди.

Эслатиб ўтамиз, Kun.uz мухбирлари бундан олдин Москва шаҳрида яшаётган сайловчилар ўртасида ижтимоий сўров ўтказган эди.

Шунингдек, Жанубий Корея, Туркия, АҚШ, Канада ва Татаристон каби мамлакатлардаги муддатидан олдин сайлов жараёнлари ҳақида ҳам маълумот берилган эди.