Марказий банк умумий ташқи қарз таркиби ҳақида маълумот берди

Ўзбекистон ташқи қарзининг умумий ҳажми 2020 йил бошидан 2,8 фоизга ёки 692 млн. долларга ошган.

Ўзбекистон Республикаси ташқи қарзининг умумий ҳажми 2020 йил бошидан 2,8 фоизга ёки 692 млн. долларга ошган ҳолда, 2020 йил 1 апрель ҳолатига 25,1 млрд. долларни ташкил қилди. Бу ҳақда Марказий банк ҳисоботида айтилган.

Қайд этилишича, 2020 йилнинг I чорагида давлат ташқи қарзи ўсиш тенденсиясини сақлаб қолди. Ушбу жараён COVID-19 вируси ёйилиши оқибатида юзага келган инқирознинг социал-иқтисодий таъсирини юмшатиш учун ҳамда ҳудудлар ва иқтисодиёт тармоқларини ривожлантириш бўйича давлат дастурларини молиялаштириш учун янги қарзларнинг жалб қилиниши билан изоҳланиши мумкин.

2020 йилнинг I чораги мобайнида давлат сектори қарздорлигининг ўсиши 385 млн. долларни ташкил қилди. Шунингдек, глобал пандемия фонида Ўзбекистоннинг суверен облигациялари қиймати фонд бозорларида биржа котировкаларининг пасайиши натижасида камайди.

Банклар ва иқтисодиётнинг бошқа сектор корхоналари томонидан қарз олиш ҳажмининг ошиши натижасида хусусий сектор қарздорлиги 307 млн. долларга ошди.

2020 йилнинг I чорагида хусусий сектор томонидан умумий миқдорда 566 млн. доллар қарздорлик жалб қилинди. Қарзларни жалб қилиш асосан банклар – 451 млн. доллар, текстиль ва тўқимачилик сектори корхоналари – 36 млн. доллар ва иқтисодиётнинг бошқа секторлари – 74 млн. доллар томонидан амалга оширилди.

«Иқтисодий ўсиш кўрсаткичлари юқори бўлса, бемалол ташқаридан қарз олиш мумкин» – Жамшид Қўчқоров

«Режалар ўзгариб кетди» – Тимур Ишметов ташқи қарз динамикаси фаоллашганига изоҳ берди

«Fitch» вакили: Ўзбекистоннинг давлат қарзи катта эмас, аммо бу мутлақ маънода пастлигини ҳам англатмайди

«Ўзбекистон қарз даражаси барқарор, уни бошқариш жиҳатидан хавфлар мавжуд эмас» – Осиё тараққиёт банки

#ташқи қарз