Самарқандда Марказий Осиё электр энергетика Мувофиқлаштирувчи кенгашининг 40-йиғилиши бўлиб ўтди

Фото: Ўзбекистон миллий электр тармоқлари
25-26 октябр кунлари “Ўзбекистон миллий электр тармоқлари” акциядорлик жамияти томонидан ташкил этилган Марказий Осиё электр энергетика Мувофиқлаштирувчи кенгашининг 40-йиғилиши ҳамда Мувофиқлаштирувчи комиссиянинг 42-йиғилиши бўлиб ўтди. Бу ҳақда акциядорлик жамияти ахборот хизмати маълум қилди.
Маълумот ўрнида, Мувофиқлаштирувчи кенгаш – Марказий Осиё энергетика тизимларининг ҳамкорликдаги фаолиятини мувофиқлаштириш, ёқилғи-энергетика ресурсларидан комплекс фойдаланишни таъминлаш, энергетика соҳасида хўжалик юритувчи субъектлар ўртасида тузилган шартномаларни амалга ошириш бўйича маслаҳат органи ҳисобланади.
Марказий Осиё электр энергетика Мувофиқлаштирувчи кенгашининг навбатдаги раиси – “Ўзбекистон миллий электр тармоқлари” АЖ бошқаруви раиси Дадажон Айнақулович Исақулов.
Электр энергетика соҳаси раҳбарлари йиғилишининг кун тартибидан 2023 йилнинг вегетация даврида сув ресурсларини самарали фойдаланиш бўйича амалга оширилган ишлар, энергия тақчиллиги ва йирик аварияларнинг олдини олиш, ҳамкорликнинг истиқболли режалари, 2023 йил куз-қиш мавсумига тайёргарлик кўриш чора-тадбирлари, йўл қўйилган айрим камчиликлар ва уларнинг ечимлари, минтақадаги миллий ва халқаро диспетчерлик марказлари мутахассисларининг малакасини ошириш, ўзаро тажриба алмашиш ва тармоқ иш фаолиятига рақамли технологияларни татбиқ этишда ўзаро келишув ва ҳамкорликни жорий этиш каби масалалари атрофлича таҳлил қилиниб, муҳокама этилди.
Халқаро тадбирда Ўзбекистон, Тожикистон, Қозоғистон ва Қирғизистон электр энергетика ташкилотлари раҳбарлари ва мутахассислари, шунингдек, Ўзбекистон Республикаси Энергетика вазирлиги ҳузуридаги “Миллий диспетчерлик маркази” ДУК ҳамда “Энергия” мувофиқлаштирувчи диспетчерлик маркази раҳбарлари ва мутахассислари иштирок этишди. Россия Федерацияси мутахассислари кузатувчи мақомида қатнашди.
Тадбирга “Ўзбекистон миллий электр тармоқлари” акциядорлик жамияти мезбонлик қилди.
Ишчи тартибдаги муҳокамаларининг бош мавзуси – 2023 йил вегетация, яъни қишлоқ хўжалигининг суғориш мавсумида Марказий Осиёда мавжуд сув ресурсларини самарали бошқариш ва ундан оқилона фойдаланиш амалиётининг якунларига бағишланди. Энг долзарб муҳокамалар эса 2023/2024 йил куз-қиш мавсумини ўзаро келишув ва техник-муҳандислик битимларига мувофиқ тарзда амалга ошириб, қиш мавсумида электр таъминоти барқарор фаолиятини таъминлашга қаратилган келишувлар бўлди.
Батафсил маълумотлар – “Ўзбекистон миллий электр тармоқлари” акциядорлик жамиятининг расмий сайтида эълон қилинган.
Реклама ҳуқуқи асосида
Тавсия этамиз
Довюрак ва фидойи журналист эдинг
Ўзбекистон | 12:50 / 27.02.2025
Россия Украина жанубини нега бу қадар тез ишғол қилганди? Тўрт асосий савол ва уларга жавоблар
Жаҳон | 20:42 / 25.02.2025
“Видеоларни монтаж қилиб тарқатишяпти” – ЙҲХХ расмийси «no photo» қонуни ҳақида
Ўзбекистон | 18:45 / 25.02.2025
Ким айбдор: ўқитувчи ё ўқувчи? | SUBYEKTIV
Ўзбекистон | 16:42 / 23.02.2025
Сўнгги янгиликлар
-
Трамп, Зеленский ва Вэнс Овал кабинетда тортишиб қолди. Асосий маълумотлар
Жаҳон | 00:56
-
Вашингтонда Трамп ва Зеленский учрашуви бошланди
Жаҳон | 22:46 / 28.02.2025
-
Зироат Мирзиёева International inclusive hub фаолияти билан танишди
Ўзбекистон | 22:31 / 28.02.2025
-
АҚШ Россияни кўндиради, Европа эса тинчликпарвар кучлар киритадими?
Жаҳон | 22:15 / 28.02.2025
Мавзуга оид

11:52 / 10.08.2023
2022 йилда “Ўзбекистон миллий электр тармоқлари” энг кўп зарар кўрган ташкилот бўлди. Компания ахборот хизмати изоҳ берди

19:15 / 09.08.2023
Энг кўп молиявий фойда ва зарар кўрган давлат иштирокидаги корхоналар маълум қилинди

12:56 / 27.09.2022
«Ўзбекистон миллий электр тармоқлари» АЖ мутахассислари «Грузия давлат электр тизими» компаниясига ташриф буюришди

13:57 / 31.08.2022