АҚШ президенти Доналд Трамп UFC раҳбари Дэйна Уайтни ўзига матбуот котиби этиб тайинламоқчи экани ҳақида айтган гаплари шунчаки ҳазил бўлганини маълум қилди. Бу ҳақда The New York Times ёзди.
«Ростини айтсам, мен шунчаки ҳазиллашдим. Бу фикр Дэйнага жуда ёқди, у ўзига хос инсон. У билан тортишмаган маъқул», — деди Трамп журналистларга.
АҚШ президенти 9 ноябрь куни Оқ уйда Уайт билан учрашишини тасдиқлади. Бироқ, унинг сўзларига кўра, улар UFC раҳбарининг матбуот котиби лавозимига номзодини муҳокама қилмайди.
Бундан ташқари, учрашув режалаштирилганини аввалроқ Уайтнинг ўзи ҳам тасдиқлаган эди. У Трамп билан «гаплашиб оладиган масалалари борлигини» таъкидлаган.
Аввалроқ Трамп ўзининг Truth Social ижтимоий тармоғида UFC раҳбари Дэйна Уайтга матбуот котиби лавозимини таклиф қилганини ёзган эди. Шунингдек, у Оқ уй ҳимоясига UFC жангчиларини, шу жумладан россиялик спортчиларни ҳам жалб этишни таклиф қилган.
Унинг таъкидлашича, бу инсонлар «АҚШни ақлдан озган сўллардан ҳимоя қилиш» учун зарур.
