«Барселона»нинг ўтган мавсумдаги даромади рекорд даражадаги 679 млн еврони ташкил қилди

«Барселона» 2015/16 йилги мавсумнинг молиявий натижаларини эълон қилди.

Клуб ўтган мавсумда рекорд даражада даромад кўрган – 679 миллион евро. Бу прогноздагидан 46 миллион еврога кўпдир. Солиқлар чиқариб ташлангандан кейинги соф фойда – 29 миллион еврони ташкил этди.

Стратегик режага кўра, «Барселона»нинг даромади миллиард еврога етказилиши кўзда тутилган.

2015/16 йилги мавсумда жамоа УЕФА Суперкубоги, ички чемпионат ва Испания Кубоги, шунингдек, клублар ўртасидаги жаҳон чемпионатида ғалаба қозонди. 

Маълумот учун, 2014/15 йилги мавсумда каталонияликларнинг даромади 608 миллион еврони, соф фойдаси 15 миллион еврони ташкил қилганди.

Манба: Tribuna.uz