«Атлетико» ҳужумчиси Антуан Гризманн ўзининг персонал мухлиси бўлган қизнинг истагини бажармай уни қаттиқ ранжитди.
Воқеа «Байер» ва «Атлетико» жамоалари ўртасидаги ЕЧЛ 1/8 финал учрашуви олдидан содир бўлган.
Футболчилар жойлашган меҳмонхона ёнида Гризманни кутиб турган мухлис қиз қўлида унинг футболкаси бўлган, қиз Гризманндан дастхат олиш истагида эди. Бироқ Гризманн қизни кўрмасликка олган ва бинодан жўнаб кетган. Қизнинг отаси воқеани испан журналистларига сўзлаб бераркан, қизи бундан жуда вақт хафа бўлиб, йиғлаганини, у Гризманн кўриш учун 200 километр йўл босиб келганини билдирган.
Видеода мадридликларнинг бошқа бир ҳужумчиси Фернандо Торрес мухлисларга бажонидил имзо тарқатаётганини кўриш мумкин.
