Португалиядаги ўрмон ёнғинлари қурбонлари сони 60 нафарга яқинлашди

Португалияда бошланган ўрмон ёнғинлари қурбонлари сони 57 нафарни ташкил қилмоқда. Бу ҳақда Publico нашри мамлакат Ички ишлар департаменти ваикли Хорхе Гомесга асосланган ҳолда хабар тарқатди.

Бундан аввалги хабарларда ёнғинлар 39 кишининг ҳаётига зомин бўлгани ва 59 киши жабрлангани ҳақида айтилганди.

17 июнь куни Португалиянинг бир қатор ҳудудларида ҳарорат 40 даражадан ошгач, ёнғинлар келиб чиққан. Айниқса, Педроган-Гранди вилояти ҳудудида ёнғинлар ҳалокатли бўлмоқда.

Аланга тез тарқалмоқда, бир қанча аҳоли пунтклари ўт ичида қолган, ҳозирча табиий офат келтирган зарар миқдори аниқ эмас.

Ёнғинга қарши кураш ишларига 600 нафар ўт ўчирувчи ва 200га яқин махсус техника жалб этилган. Испаниядан иккита махсус самолёт ёрдам учун юборилган. Франциядан ҳам ёрдам етиб келиши кутилмоқда.

Фожиа туфайли мамлакатда мотам эълон қилинади.