Испания ва Францияда ўрмон ёнғинлари – фотосуратлар

Европада рекорд даражадаги иссиқ ва қурғоқчилик фонида кенг кўламли ўрмон ёнғинлари давом этмоқда. Энг оғир вазият – Франция ва Испанияда кузатилмоқда.

Испания ички ишлар вазирлиги хабар беришича, Мадрид атрофидаги ҳудудларда 70 мингдан ортиқ киши ўз уйларидан вақтинча кўчирилган. Франция ҳукумати эса мамлакат жануби-ғарбидаги Бордо шаҳри атрофида аҳоли эвакуацияси ҳақида маълум қилган. Франциянинг турли ҳудудларида жами 200 мингга яқин киши эвакуация қилинган.

Француз расмийлари ёнғинларга қарши кураш учун Европа иттифоқидан ёрдам сўраган. Евроиттифоқ Португалия, Хорватия, Чехия, Швеция ва Словакиядан самолёт ва вертолётлар юборилишини ваъда қилган.

Испания ҳукумати умуммиллий кўламдаги фавқулодда ҳолат режимини эълон қилган. Пойтахт Мадрид шаҳри чеккалари ва Авила провинциясида ўрмон ёнғинлари авж олган. 25 июл куни Испанияда шамол кучайди ва бу ўрмон ёнғинларига қарши курашни қийинлаштирди. Мадрид шаҳри мэри Изабел Диас Аюсо минтақадаги ёнғинларни тарихдаги «энг қўрқинчлиси» деб атади.