КХДРга нефть ташиётгани гумон қилинган яна бир кема ушланди
Жанубий Кореяда Панама байроғи остида ҳаракатланаётган кема тўхтатилди. Бу кема халқаро санкцияларни бузган ҳолда КХДРга нефть етказиб бераётгани гумон қилинмоқда.
Reuters агентлиги божхона ходимларига асосланган ҳолда хабар беришича, қўлга олинган кема 5 минг тоннадан ортиқ нефть таший олади. Унинг экипажи хитойлик ва мьянмалик денгизчилардан иборат.
Қайд этиш керакки, бу шу ҳафтада Шимолий Кореяга нефть ташиётгани гумон қилиниб қўлга олинган иккинчи кемадир. 29 декабрь куни Ҳонгконг кемаси ҳам шимол корейсларига нефть етказиб беришга гумон қилиниб қўлга олинганди.
Бундан аввалроқ агентлик хабарида россияликларнинг танкерлари КХДРга нефть етказиб бериш билан шуғулланаётгани ҳақида айтилганди.
Маълумотларга кўра, сунъий йўлдош ёрдамида олинган суратлар Россия кемаларининг ўша туманда ноодатий тарзда ҳаракатланишидан дарак берган. Бундан ташқари, улар кемалар аниқ қаерда эканини кўрсатиб берувчи транспондерларни ўчириб қўйган.
Reuters’нинг ёзишича, шундай кемалардан бири Россиянинг «Витязь» танкери бўлган. Порт ҳужжатларига кўра, «Витязь» 15 октябрь куни Владивосток яқинидаги Славянко портидан бортида 1,6 минг тонна нефть билан чиқиб кетган. Денгиз ташувлари тўғрисидаги маълумотлар шундан сўнг танкер бир неча кунга транспондерни ўчириб қўйганлигини кўрсатди.
Россия ТИВ бу хабарларига изоҳ берди. Маълум қилинишича, Москва санкция режимига тўла ҳажмда риоя этмоқда.
Мавзуга оид
08:40 / 15.10.2024
Путин Думага КХДР билан ҳарбий ҳамкорлик тўғрисидаги қонун лойиҳасини киритди
22:41 / 13.10.2024
Ким Чен Иннинг синглиси Жанубий Кореяни «даҳшатли ҳалокат»дан огоҳлантирди
21:18 / 11.10.2024
Жанубий Корея етти йил ичида илк бор Taurus ракеталаридан фойдаланган ҳолда машғулот ўтказди
18:21 / 11.10.2024