Россия президенти Владимир Путин Қозоғистон ва Россия халқлари ўртасида дўстликни сақлаб қолиш Остона ҳамда Москва учун муҳим мавзу эканини айтиб ўтди, деб хабар қилмоқда «Интерфакс».
«Конференция кун тартибида шундай мавзулар турибдики, улар ҳам Москва, ҳам Остона учун устувор аҳамиятга эга: Евроосиё маконида интеграция жараёнларини илгари суриш, инсон капитали ривожи. Ҳамда, албатта, жуда муҳимки, келажак авлод Россия ва Қозоғистон халқлари учун катта қимматга эга бўлган анъанавий дўстлик ҳамда иттифоқчиликни сақлаб қолиши ва мустаҳкамлаб бориши керак», - дея мурожаат билан чиққан Путин.
Аввалроқ Путин Қозоғистон президенти Нурсултон Назарбоев билан телефон орқали мулоқотда Сочида бўлиб ўтган Сурия миллий мулоқоти конгрессини муҳокама этгани маълум бўлганди.
