Шавкат Мирзиёев Наврўз тантаналари бўлиб ўтаётган “Ўзэкспомарказ”га ташриф буюрди  

Жорий йилда Наврўз умумхалқ байрами асосий тадбирлари Тошкентнинг “Ўзэкспомарказ” кўргазмалар мажмуасида бўлиб ўтмоқда. Ўзбекистон президенти Шавкат Мирзиёев ҳам байрам тадбирига ташриф буюрди. Президентга бош вазир Абдулла Арипов, ҳукумат аъзолари ҳамроҳлик қиляпти.

Кўргазмалар мажмуасида ҳар бир вилоят учун алоҳида жой ажратилган. Тадбирда иштирок этиш учун республика фаоллари, давлат ва жамоат ташкилотлари вакиллари, талабалар таклиф этилган. 

Президент Ўзбекистоннинг турли вилоятларида ишлаб чиқарилган маҳсулотлар кўргазмаси билан танишди, тадбирга келган оқсоқоллар билан мулоқот қилди.

Эслатиб ўтамиз, ўтган йили байрам тантаналари Тошкент шаҳридаги Абдулла Қодирий номидаги маданият ва истироҳат боғида ўтказилган эди.