Мэй Лондонга Россия қарзини сотишга тақиқ қўйиши мумкин

Фото: REUTERS

Буюк Британия бош вазири Тереза Мэй Россия томонидан Лондон фонд бозорида суверен қарз қоғозларни сотишга тақиқ жорий этиш бўйича таклифни кўриб чиқишга рози бўлди. Бу ҳақда The Guardian ёзмоқда.

Аниқлик киритилишича, хорижий ишлар бўйича қўмита раиси Том Тугендхат тегишли таклиф билан чиққан.

«Россия айни дамда ЕИ ва АҚШ капитал бозорларида қарзлар олиши мумкин, бу ғарб санкцияларига қарамай, юз беради. Шундан сўнг санкциялар остида бўлган ҳамда Кремлга алоқадор банклар ва энергетика компаниялар қўллаб-қувватланмоқда», - дея айтиб ўтди Тугендхат.

Маълум бўлишича, Лондон бундай қадам билан Россия иқтисодиётига зарар етказмоқчи.