Канада Ташқи ишлар вазирлигининг твиттерда маълум қилишича, G7 давлатлари Россияга нисбатан санкция сиёсатини давом эттиради. Бу унинг Украинадаги хатти-ҳаракатлари туфайли юз беради.
«Канада ташқи ишлар вазири Христя Фриланд ва G7 ТИВ раҳбарлари ҳудудий суверенитетга доир қоидаларга асосланган халқаро тартибга умумий ҳурматни яна бир бора тасдиқлашди. Россияга унинг Украинадаги қабул қилиб бўлмас хатти-ҳаракатлари туфайли жорий этилган санкциялар давом эттирилади», - дейилади хабарда.
Эслатиб ўтамиз, аввалроқ G7 давлатлари Россияни Скрипаль иши бўйича саволларга “дарҳол” жавоб қайтаришга чақирганди.
