NASA: Россияга қарши санкциялар ХКСга юкларни етказишда халақит беради

АҚШ Россияга қарши санкциялар туфайли ХКСга юкларни тижорий етказиб бериш соҳасида қийинчиликка дуч келиши мумкин. Бу ҳақда NASA бош инспектори бошқармасининг ҳисоботида айтилган.

Таъкидланишича, айни дамда Orbital AT компанияси юкларни етказиб бериш билан шуғулланмоқда, у Antares 230 ракета-ташувчиларидан фойдаланади. Уларнинг биринчи поғонаси таркибида Россияда ишлаб чиқарилган РД-181 ракета двигателлари қўлланилади.

«Orbital ATK компанияси NASA дастури иккинчи босқичи доирасида Antares 230 ракета-ташувчиларидан фойдаланиш имкониятидан маҳрум бўлиши мумкин», - дейилади ҳисоботда.

Маълумотларга кўра, айни дамда санкциялар Orbital ATK’нинг ХКСга юкларни етказиш бўйича келишувларини қамраб олмайди, бироқ бу борада фақат 2020 йилгача истисно қилинган. Sierra Nevada ва SpaceX компаниялари ушбу муаммони ҳал қилишга уринмоқда, аммо маълум қийинчиликларга дуч келган.

«Хусусан, Sierra Nevada Dream Chaser кемаларини ишлаб чиқишда техник қийинчиликларга эга. SpaceX компаниясининг Dragon 2 кемаси юк версиясини сертификатлаш эса компания томонидан CRS-2 доирасида космик миссияларни бажариш учун хатарларга эга, сабаби у синовлардан ўтказилмаган», - дейилади ҳисоботда.