АҚШ президенти Дональд Трамп ва Хитой раиси Си Цзиньпин 8 майда телефон орқали мулоқот ўтказиб, у давомида Шимолий Корея ўзининг ядровий ва ракета дастурларини бартараф этмагунча Пхеньянга қарши санкцияларни сақлаб қолиш кераклиги ҳақидаги фикрга келишган.
Таъкидланишича, Трамп ва Си Цзиньпин ўзаро манфаатга эга масалалар, жумладан Си Цзиньпиннинг Шимолий Корея етакчиси Ким Чен Ин билан яқинда ўтган учрашуви бўйича фикр алмашишган.
Бундан ташқари, Трамп хитойлик ҳамкасбига мувозанатлашган ва Вашингтонга фойдали АҚШ ва Хитой ўртасидаги савдо ҳамда инвестиция муносабатларини қўллаб-қувватлашини айтган.
