Аргентиналик теннисчи келишилган ўйинларни ўтказишда айбдор деб топилди

Фото: Gustavo Garello/Associated Press

Аргентиналик теннисчи Николас Кикер келишилган ўйинларни ўтказишда айбдор, деб топилди.

Reuters хабарига кўра, Tennis Integrity Unit (TIU) томонидан ўтказилган суриштирув натижасида, спортчи Италия ва Колумбияда ATP Challenger сериясидаги мусобақалар якунига таъсир кўрсатишга урингани аниқланган. Бу ҳолат 2015 йилда кузатилгани айтилмоқда. Таъкидланишича, 25 ёшли теннисчи тергов билан ҳамкорлик қилишдан ҳам бош тортган.

Ҳозирда аргентиналик спортчи профессионал мусобақаларда иштирок этишдан четлатилди. Жазо ҳақидаги қарор кейинроқ қабул қилинади.

Кикер профессионал теннисчилар ассоциацияси (ATP) рейтингида 84-ўринда боряпти.