«Ўзбекистон ҳаво йўллари» Тошкент-Москва йўналишида қўшимча қатновни амалга оширади

«Ўзбекистон ҳаво йўллари» Миллий авиакомпанияси 30 июнь куни Тошкент-Москва (Внуково) йўналиши бўйлаб қўшимча қатновни амалга оширади.

МАК матбуот хизматидан маълум қилишларича, замонавий Boeing - 787 Dreamliner ҳаво лайнерида қатнов қуйидаги жадвал бўйича амалга оширилади:

HY-3517 Тошкент 18:00 - Москва 20:00 (Внуково аэропорти).

Авиакомпания шунингдек, 30 июнь куни Москва-Мехико йўналиши бўйлаб чартер қатновини амалга оширади. Ушбу парвоз ҳам Boeing - 787 Dreamliner ҳаво лайнерида амалга оширилади.

Мазкур қатновга Мексиканинг футбол бўйича миллий терма жамоасининг маъмурияти ҳамда жамоа мухлисларини Москвадан Мехико шаҳрига олиб бориш учун буюртма берган.