Фото: Bloomberg
2019 йил 1 мартгача Қўшма Штатлар Хитой товарларига божлар жорий этмайди, деб хабар қилмоқда Bloomberg икки манбага таянган ҳолда.
Агентликдан эслатишларича, АҚШ президенти Дональд Трамп маъмурияти томонидан таклиф этилган божлар Хитойнинг қатор товарлари учун тарифларни 10 фоиздан 25 фоизгача кўтаришни назарда тутади. Кутилишича, бундай чоралар АҚШга 200 миллиард доллар олиб келади.
Агентлик маълумотига кўра, Оқ уй расмий равишда 14 декабрь, жума куни божлар жорий этилиши кечиктирилиши ҳақида эълон қилади. Ушбу қарор тегишли ҳужжат билан мустаҳкамлаб қўйилади.
Эслатиб ўтамиз, аввалроқ АҚШ Хитой билан «технологик урушни» бошламоқчи экани ҳақида хабарлар тарқалганди.
