​Бабаяннинг қайтиши ижтимоий тармоқларни «ларзага келтирди»

Самвел Бабаяннинг футболимизга қайтгани ва «Локомотив»да иш бошлагани ҳақида хабар бердик. Бу хабар ижтимоий тармоқларда кенг муҳокама қилинмоқда. Биз бировнинг нафсониятига тегмоқчи эмасмиз, шунчаки ижтимоий тармоқдаги ватандошларимиз Бабаяннинг футболимизга қайтганига қандай реакция билдираётганига назар солишни хоҳладик. Қуйида ижтимоий тармоқлардаги қизиқарли постлардан баъзиларини келтирамиз:

* «Кайфият кўтарилиб, ўзимизни футболдаги ўзгаришларга суюниб тургандик. «пақ» этиб Бабаян яна кеб турибди... «Умрбод» дегани бизни футболда бир йил экан...».

* «Янги кино чиқибди. Номи: «Бабаян. Перезагрузка».

* «Самвел ака Бабаян яна футболга қайтибди. Ия, братанни Ўзбекистон футбол асоциацияси умрбод футболдан четлатган эди-ку? Оббо, шунқорлар-ей! «Сен ўзинг кимсан-у, дисквалификациянг нимўларди», дегандек гап бўпти-да))».

* «Бабаян қайтибди. Бўлди, футбол отмен, тарқаламиз».

* «Майли, биззи қишлоғимизга свет ҳам, газ ҳам, асфалть ҳам керакмас. Битта саволимга жавоб керак холос: нега Бабаян кайтди, нега айнан Локога?».

* «Ана энди туризм ривожланиб кетади. Бабаян кепти».

* «Ёмон хабарлар кеча бошланиб, бугун ҳам давом этмоқда. «Сурхон», «Динамо», Бабаян, абитуриентларнинг пул тўлаши, Шпакни магнитафони, потсигар, замш куртка».

* «Мазза-ю шунақа ажиотаж, жанг, интрига бўлса ўзбек футболида. Хурсанд бўлиш керак фақат. 14 жамоа, Лига кубоги, Бабаян кириб келаётган 2019 йилда ўзбек футболи икки қадам олдинга, бир орқага ташлаганини кўрсатиб берди. Анчадан бери чемпионатни бунака қизиқиб кутмаган эдим».

* « Бабаян муборак, темирйўлчилар))».

* «Юқори дивизионда 14 та клуб, Бабаян ОЧЛда ўйнайдиган жамоада – хуш келибсан, 2013 йил!».

* «Бабаяннинг ўзбек футболига кайтиши, айнан «Локо»га ўтиши Суперлиганинг биринчи туридаги Тошкент дербиси аҳамиятини янада ошириб юборди».

* «Бабаян МТЖни ЖЧга олиб чиқа олмаган биринчи мураббий эмас. Нимага бунчалик нафрат?».

* «Сиз эса уларнинг принципи бор дейишда давом этаверинг».

* «Бабаян учун хурсандман, бунақа муносабатга муносиб эмасди».

* «Умуман олганда, терма жамоани ЖЧга олиб чиқолмагани учун футболдан четлаштирилиши хато эди. Ўша хатони тўғрилашибди. Бабаян футбол оламида катта куч. «Локо» ақлли иш қилди».

* «Хайрли тун. Истасангиз ҳам, истамасангиз ҳам тушингизга Бабаян киради))».

* «Бабаян яхши мураббий бўла олмагандир, лекин у кучли менежер».

Бабаяннинг қайтгани ҳақида сўровномалар ҳам чиқа бошлади.