Фарғонанинг «Нефтчи» клуби Ўзбекистон кубоги чоракфинал босқичидан ўтолмади.
Суперлиганинг амалдаги чемпиони ва пешқадами ўз майдонида кутилмаганда Тошкентнинг «Локомотив» клубига 2:4 ҳисобида ютқазди.
Барча голлар биринчи таймда урилди. Мезбонлар таркибида Хуршид Ғиёсов ва Аброр Исмоилов, меҳмонлар таркибида Жасур Яхшибоев (2), Билол Туплиев ва Диёр Туропов дарвозани ишғол этди. Иккинчи бўлимда «Нефтчи» катта устунликка эга бўлса-да, ўйинда бурилиш ясолмади.
«Локомотив» энди яримфиналда «Андижон» билан куч синашади.
Яна бир яримфиналда ОКМК клуби «Навбаҳор» - «Ғазалкент» ўйини ғолиби билан тўқнаш келади.
Ўзбекистон Кубоги
1/4 финал
20 октябрь
НЕФТЧИ - ЛОКОМОТИВ 2:4
Голлар: Жасурбек Яхшибоев, 11 пенальти (0:1), Билол Туплиев, 23 (0:2), Жасурбек Яхшибоев, 33 (0:3), Хуршид Ғиёсов, 36 (1:3), Диёржон Туропов, 43 (1:4), Аброр Исмоилов, 45+3 (2:4)
СЎҒДИЁНА - АНДИЖОН 1:2
Голлар: Петар Мичин, 59 автогол (0:1), Мартин Боакье, 80 (0:2), Сардор Жамолов, 84 (1:2)
ОКМК - ГУЛИСТОН 2:0
Голлар: Иван Пешич, 51 (1:0), Нодирбек Абдураззоқов, 77 (2:0)
21 октябрь
НАВБАҲОР - ҒАЗАЛКЕНТ
