А Серия. 2-5-ўринлардаги барча жамоалар яна очко йўқотишди

Якшанба куни А Серияда 31-турнинг 6та учрашуви бўлиб ўтди. Ушбу баҳсларда турнир жадвалида юқори ўринларда бораётган «Наполи», «Интер», «Аталанта» ва «Лацио» клублари очко йўқотдилар.

«Ювентус»нинг энг яқин таъқибчиси «Наполи» ўз уйида «Женоа»ни енга олмади – 1:1. Оқибатда чемпионат тугашига 7та тур қолганда Турин ва Неаполь клублари ўртасидаги очколар фарқи 20тага етди – «Юве» бундан бир кун олдин «Милан»ни мағлуб этганди – 2:1. Шу тариқа, «кекса синьора» қаторасига 8-марта скуддетони қўлга киритиши учун «Наполи» билан орадаги ҳозирги тафовут яна бир очкога ошиши кифоя.

Турнинг марказий ўйинлардан яна бири «Сан-Сиро»да, 3-4-ўринлардаги «Интер»ва «Аталанта» ўртасида кечди ва унда ҳисоб очилмади. Натижада жамоалар ўртасидаги беш очколик фарқ сақланиб қолди, ўз навбатида «Интер»дан «Наполи»гача бўлган 7 очколик масофа ҳам ўзгармади.

6 апрелда, шунингдек, ЕЧЛ йўлланмаси учун курашаётган «Лацио» ҳам яна очко йўқотди. Ўтган турда қуйи ўринлардаги СПАЛга ютқазиб қўйган римликлар ўз майдонларида «Сассуоло» билан дуранг қайд этишди. 53-дақиқада Иммобиле пенальтидан ҳисобни очди, аммо «Сассуоло» мезбонларнинг ушбу голига тезкорлик билан жавоб қайтарди – 57-дақиқада Рожерио мувозанатни тиклади. Меҳмонлар 89-дақиқада Берардининг голи билан ҳисобда олдинга чиқиб олишганига қарамай, асосий вақтга қўшиб берилган 5-дақиқада Сеналд Лулич «Лацио»ни мағлубиятдан қутқариб қолди – 2:2.

Бугун «Болонья»–«Кьево» ўйини билан 31-турга якун ясалади.

Италия чемпионати
31-тур, 7 апрель
Фиорентина – Фрозиноне 0:1 (0:0, 0:1)
Гол: 0:1 – 84 Чиофани.

Удинезе – Эмполи 3:2 (3:2, 0:0)
Голлар: 0:1 – 11 Капуто, 1:1 – 14 де Пауль, 1:2 – 24 Крунич, 2:2 – 41, пенальти де Пауль, 3:2 – 45 Мандрагора.
Четлатиш: Зегелар (63, Удинезе).

Кальяри – СПАЛ 2:1 (1:1, 1:0)
Голлар: 1:0 – 3 Фараго, 1:1 – 18, пенальти Антенуччи, 2:1 – 60 Паволетти. 

Интер – Аталанта 0:0
Интер – Ханданович, Д`Амброзио, Миранда, Шкриньяр, Асамоа, Гальярдини (Валеро, 66), Брозович (Наингголан, 23), Политано (Кейта Бальде, 77), Весино, Перишич, Икарди.
Аталанта – Голлини, Манчини, Гимшити, Паломино (Масьелло, 62), Хатебур, де Рон, Фройлер, Кастань, Пашалич (Барроу, 74), Иличич (Пессина, 82), Гомес.
Огоҳлантиришлар: Голлини (2), Манчини (63), Политано (73).

Лацио – Сассуоло 2:2 (0:0, 2:2)
Голлар: 1:0 – 53, пенальти Иммобиле, 1:1 – 57 Рожерио, 1:2 – 89 Берарди, 2:2 – 90 Лулич.
Лацио – Стракоша, Габаррон, Ачерби, Раду, Марушич, Пароло (Милинкович-Савич, 69), Бадель (Лейва, 80), Луис Альберто, Лулич, Иммобиле, Кайседо (Корреа, 63). 

Наполи – Женоа 1:1 (1:1, 0:0)
Голлар: 1:0 – 34 Мертенс, 1:1 – 45+3 Лазович.
Наполи – Карнезис, Хюсай (Уна, 87), Максимович, Кулибали, Гулям (Мариу Руй, 76), Кальехон, Фабиан Руис, Аллан (Инсинье, 67), Зелиньски, Мертенс, Милик.
Женоа – Раду, Педру Перейра, Бираски, Гюнтер, Кришито, Лазович, Стураро, Велозу (Радованович, 77), Бесса (Пеццелла, 82), Пандев (Ролон, 62), Куаме.
Огоҳлантиришлар: Аллан (24), Хюсай (67).
Четлатиш: Стураро (28).

8 апрель
23:30. Болонья – Кьево