Мураккаб операцияларни муваффақиятли бажариб келаётган «EZGU NIYAT» клиникаси европалик етакчи кардиожарроҳлар сафини кенгайтирди. Энди нафақат катталар, балки болаларда ҳам юрак жарроҳлик амалиётлари доимий равишда бажарилади.
Европа стандартлари асосида барпо этилиб, замонавий тиббий ускуналар билан жиҳозланган «EZGU NIYAT» кўп тармоқли тиббиёт марказида, хорижда ишлаб келган маҳаллий мутахассислардан ташқари, европалик етакчи кардиожарроҳлар ҳам фаолият юритишмоқда. Хусусан, «Евроосиё юраги» Фонди раҳбари, швейцариялик машҳур кардиожарроҳ, профессор Пауль Фогт ва россиялик кардиожарроҳ, профессор Сергей Павлович Марченко шулар жумласидандир. Юртимизнинг етакчи кардиожарроҳлари сафи яна кенгаймоқда – жорий йилнинг июнь ойидан яна бир мутахассис, Данияда бир неча йиллар давомида ишлаб келаётган ўзбекистонлик етакчи кардиожарроҳ Аҳмад Рустамович Ирмуҳаммедов ҳам ўз фаолиятини бошламоқда.
Статистик маълумотларга кўра, дунёга келган чақалоқларнинг 1 фоизи туғма юрак нуқсонлари билан дунёга келар экан. Бундай юрак хасталиклари мавжуд болалар мамлакатимизда ҳам талайгина. Кўпчилик ота-оналар уларни даволаш учун хорижга катта маблағлар эвазига олиб боришга мажбур бўлишмоқда. Энди эса «EZGU NIYAT» клиникасида швейцариялик машҳур кардиожарроҳ, профессор Пауль Фогт нафақат катталар, балки 2 ёш ва ундан юқори болаларда ҳам мураккаб жарроҳлик амалиётларини бажаради. Болаларда юрак жарроҳлигининг биринчи босқичи 2019 йилнинг 3-18 июнга қадар бўлиб ўтса, сентябр ойидан мунтазам равишда бажариш тўлақонли йўлга қўйилади.
