Нетаньяху генерал Сулаймонийнинг ўлдирилиши сабабли Грецияга ташрифини муддатидан аввал якунлади

Биньямин Нетаньяху / Фото: EPA-EFE/RONEN ZVULUN / POOL

Исроил бош вазири Биньямин Нетаньяху Эрон генерали Қосим Сулаймонийнинг ўлдирилиши сабабли ўзининг Грецияга ташрифини якунлади. Бу ҳақда ўз манбасига таяниб Reuters агентлиги хабар берди.

"Бош вазир Нетаньяху Эрон генерали Қосим Сулаймонийнинг ўлдирилиши сабабли ўзининг Грецияга ташрифини якунлади", - деди агентлик суҳбатдоши.

Исроил ҳукумати раҳбари Греция, Исроил ва Кипр ўртасидаги Шарқий Ўрта ер денгизи газ қувури бўйича давлатлараро келишувни имзолаш учун Грецияга борганди.

3 январга ўтар кечаси Бағдод аэропорти ҳудудида АҚШ авиазарбалари оқибатида Ислом инқилоби муҳофизлари корпуси (ИИМК) таркибидаги «Ал-Қудс» махсус бўлинмаси қўмондони генерал Қосим Сулаймоний ҳалок бўлди.

Эрон олий етакчиси Оятуллоҳ Али Хоминаий Ироқда генерал Қосим Сулаймоний ўлдирилгани сабабли мамлакатда 3 кунлик миллий мотам эълон қилди ва АҚШдан бунинг учун қасос олинажагини маълум қилди.

Тайёрлаган Дилшод Аскаров

#Биньямин Нетаньяху #Қосим Сулаймоний

Эрон ташқи сиёсати бунёдкори, Яқин Шарқ бўйича бош стратеги, Эрон Ислом инқилоби муҳофазаси корпуси таркибидаги «Кудс» махсус бўлинмаси қўмондони Қосим Сулаймоний Бағдоддаги аэропортда АҚШ президенти Дональд Трамп фармойишига биноан ўлдирилди.