Коронавирус туфайли Twitter ходимларининг бир қисми масофадан ишлашга ўтди

Сервис раҳбарияти ходимларга офисга келмасликни тавсия этмоқда. Twitter’да дунё бўйича 5 мингга яқин киши ишлайди.

Фото: Getty Images

Коронавирусга чалиниш хавфини камайтириш мақсадида Ҳонгконг, Япония ва Жанубий Кореядаги Twitter ходимлари масофадан ишлашга ўтди. Бу ҳақда компания блогида маълум қилинди.

Аввалроқ компания барча режалаштирилган сафар ва тадбирларни бекор қилганди. Twitter шунингдек Техасда бўлиб ўтадиган медиаанжуманда ҳам иштирок этмайдиган бўлди.

Компания ходимларнинг масофадан ишлаш бўйича имкониятларини кенгайтиришга тайёргарликни бошлаганини билдирди.

Охирги маълумотларга кўра, янги коронавирусга чалинганлар сони 90 мингдан ошган, 3000 дан ортиқ бемор вафот этган. Жанубий Кореяда 4812 киши, Японияда 970 киши ва Ҳонгконгда 100 киши ушбу касалликни юқтирган.

Тайёрлаган Дилшод Аскаров

#Twitter #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.