Бельгиялик олимлар коронавирусни 15 дақиқада аниқлайдиган тест ишлаб чиқди

Янги тестдан келгуси ҳафтадан бошлаб фойдаланиш мумкин, деб хабар бермоқда La Libre Belgique газетаси.

Фото: Shutterstock

Брюссель университети клиникаси лабораторияси (LHUB-ULB) инсонда SARS-COV-2 вируси бор-йўқлигини 15 дақиқада аниқлаб берадиган диагностик тест ишлаб чиққанини маълум қилди.

Янги тестдан келгуси ҳафтадан бошлаб фойдаланиш мумкин, деб хабар бермоқда La Libre Belgique газетаси.

Нашрнинг ёзишича, у "антиген" тест бўлиб, инсон танглайидан олинган пробадаги антигенлар (вирус оқсиллари) орқали вирус бор-йўқлигини аниқлаб беради.

Хабар қилинишича, лаборатория ушбу тестни ишлаб чиқишда Бельгия ва Европадаги қатор ҳамкорлари билан биргаликда иш олиб борган.

Тайёрлаган Дилшод Аскаров

#тест #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.