Россия коронавирусга чалинганлар сони бўйича Хитойдан ўтиб кетди

Россия коронавирусга чалинганлар сони бўйича дунёда тўққизинчи ўринга чиқди.

Фото: EPA/Максим Шипенков/ТАСС

Мамлакатда касаллик юқтирганлар сони 87 мингдан ошди.

Россияда кейинги суткада коронавирусга чалиниш бўйича 6198та ҳолат қайд этилди. Бу ҳақда мамлакат тезкор штаби хабар берди.

Мамлакатнинг 85та регионида жами 87 147та ҳолат аниқланган.

Шу тарзда Россия коронавирусга чалинганлар сони бўйича дунёда тўққизинчи ўринга чиқди.

Россияда 23 апрелдан буён илк марта бир сутка давомида янги ҳолатлар қайд этилиши камайди – 6361та ҳолат.

Касалликка чалинганларнинг энг кўп қисми Москвада — 45 351 киши.

Ўтган сутка давомида 50 киши вафот этган (жами 794 киши вафот этди).

Пандемия бошланганидан буён Хитойда 82 830 киши коронавирусга чалинган (Жонс Ҳопкинс университети Ҳонгконг ва Макаодаги ҳолатларни ҳам қўшиб 83 912 нафар киши касалликка чалинганини қайд этган).

Тайёрлаган Дилшод Аскаров

#Россия #коронавирус

2019 йилнинг декабрь ойи охирида Хитойнинг Ухань шаҳрида номаълум вирус тарқала бошлади. Бу вирус ҳаво орқали одамдан одамга юқади ва ўлимга олиб келади.