“Нотариус” автоматлаштирилган ахборот тизими фаолияти 1 сентябргача тўхтатиб турилади

29 август соат 19-00 дан 1 сентябрь соат 19-00 га қадар “Нотариус” автоматлаштирилган ахборот тизимининг иш фаолияти тўхтатиб турилади. Бу ҳақда Адлия вазирлиги матбуот хизмати хабар берди.

 Хабарда айтилишича, “Нотариус” автоматлаштирилган ахборот тизимида кузатилаётган муаммоларни ҳал қилиш, тизимнинг узлуксиз ишлашини таъминлаш мақсадида Адлия вазирлиги томонидан маълумотларни янги сервер қурилмаларига кўчириш режалаштирилмоқда.

 “Сиздан ушбу ҳолатни инобатга олиб, шу кунларда фуқароларга қабул белгиламаслигингиз, шунингдек, нотариал идора фаолият юритмаслиги тўғрисида бинонинг кириш жойига эълон жойлаштиришингиз сўралади”, дейилади хабарда.