Россиялик мухолиф сиёсатчи, Владимир Путиннинг ашаддий танқидчиси Алексей Навалний 20 августдан буён кома ҳолатида. Комадаги дастлабки икки кунни сиёсатчи Россиянинг Омск шаҳридаги клиникада ўтказди, шундан сўнг у Берлинга олиб кетилди. Сиёсатчининг сафдошлари ҳодисанинг бошидан буён унинг заҳарланганини айтиб келишди. Улар россиялик шифокорлар сиёсатчининг организмида заҳар изини топиш қийин бўлиши учун уни атайлаб клиникада ушлаб тургани ва кетишига рухсат бермаган бўлиши мумкинлигини тахмин қилишганди.
«Шарите» клиникаси шифокорлари Навалний етиб келганидан кейин икки кун ўтиб, 23 август куни унинг холинестераза ингибиторлари гуруҳидан бўлган модда билан заҳарланганини маълум қилди.
Россиялик шифокорлар Навалнийнинг Россияда олинган таҳлиллари унинг организмида қандайдир заҳар борлигини аниқламагани маълум қилган. Россия Бош прокуратураси текширув ўтказиб, ҳодиса муносабати билан жиноий иш очишга асос мавжуд эмас деб топган.
2 сентябрь куни Германия ҳукумати Қуролли кучлар лабораторияси хулосаларига асосланиб, Алексей Навалний Россияда асаб тизимини фалаж қилувчи, таркиби жиҳатдан «Новичок» моддасига ўхшаш жанговар модда билан заҳарланганини маълум қилди.
Москва токсикологик экспертиза натижаларини олмаганлигини билдирди. Россия президенти матбуот котиби Дмитрий Песков Навальний Берлиндаги клиникага олиб кетилгунига қадар унинг организмида заҳарли моддалар аниқланмаганини айтди.
Германия канцлери Ангела Меркель мухолифатчининг заҳарланиши бўйича Москвадан изоҳ талаб қилди.
У Навальний «Новичок» гуруҳига мансуб заҳарловчи моддадан фойдаланилган ҳолда амалга оширилган ҳужум қурбони бўлганини, экспертиза натижалари бунга ҳеч қандай шубҳа қолдирмаслигини таъкидлади.
«Шу тарзда, Алексей Навальний жиноят қурбони бўлгани кўриниб турибди. Уни жим юришга мажбур қилмоқчи бўлишган. Буни бутун федерал ҳукумат номидан қоралайман», — деди Меркель.
Унинг сўзларига кўра, Навальнийнинг заҳарланиши муносабати билан фақат Москвадагилар жавоб бериши мумкин бўлган мураккаб саволлар туғилган. Меркель жавобларни бутун дунё кутишини таъкидлади.
Россияни қандай оқибатлар кутмоқда?
Экспертлар Скрипаль ва Навальнийнинг вазиятлари турлича эканига эътибор қаратишмоқда: ўшанда Скрипалларнинг заҳарланиши Буюк Британия ҳудудида содир бўлганди, ҳозир эса - Россия ҳудудида. «Европа билан зиддият даражаси нисбатан пастроқ бўлади», - деб ҳисоблайди R.Politik таҳлил компанияси раҳбари Татьяна Становая: бу сафар Россияни бегона ҳудудда жанговар кимёвий қурол ишлатишда айблаб
