Фарғона вилояти ҳокимига янги ўринбосар тайинланди

Алибек Турсунов Фарғона вилояти ҳокими ўринбосари этиб тайинланди. Бу ҳақда Kun.uz мухбири хабар бермоқда.

Қайд этилишича, Алибек Турсунов Фарғона вилояти ҳокимининг қишлоқ ва сув хўжалиги масалалари бўйича ўринбосари лавозимида иш бошлади.

У бугунги кунга қадар Боғдод тумани ҳокими вазифасида фаолият юритиб келаётган эди.

Аввалроқ, Фарғона вилояти ҳокимининг қишлоқ ва сув хўжалиги масалалари бўйича ўринбосари вазифасида ишлаб келган Ҳалимжон Умаров Қува тумани ҳокими этиб тасдиқланганди.

Тайёрлаган: Отабек Матназаров

#Фарғона вилояти #Алибек Турсунов