Европа дори воситалари агентлиги (EMA) коронавирусга қарши тўртинчи вакцинани маъқуллади, деб хабар бермоқда Reuters.
Хабарда айтилишича, ЕМА 11 март куни Johnson & Johnson компаниясининг вакцинасидан фойдаланишга рухсат берган.
Бунгача ЕИда Pfizer/BioNTech, AstraZeneca ва Moderna вакциналарини қўллашга рухсат берилганди. Агентликнинг ёзишича, ЕИ шу тарзда эмлаш кампаниясини тезлаштириш ва вакцина танқислигига барҳам беришга уринмоқда.
Аввалроқ Johnson & Johnson вакцинаси АҚШ, Канада ва Баҳрайнда маъқулланганди.
